নগাঁও চহৰৰ ডিমৰুগুৰিত কালি নিশা সংঘটিত এক ভয়াবহ পথ দুর্ঘটনাত দুজন যুৱক নিহত হয় । ইয়াৰে এজন যুৱক থিতাতে নিহত হোৱাৰ বিপৰীতে আনজন যুৱকক চিকিৎসালয়লৈ নিয়াৰ পথত মৃত্যু হয় ।
প্ৰত্যক্ষদৰ্শীৰ মতে, চামগুৰিৰ পৰা নগাঁও চহৰৰ অভিমুখে অতি দ্রুত বেগেৰে অহা এ এচ ০২ আৰ ৭০২৪ নম্বৰৰ ছুইফট ডিজায়াৰ বাহনখনে নিয়ন্ত্ৰণ হেৰুৱাই পথৰ দাঁতিত থকা গছত খুন্দা মৰাৰ ফলতেই দুর্ঘটনাটো সংঘটিত হয় । দুৰ্ঘটনাটোত হিমাংশু কাকতি (২৩ বছৰ) নামৰ যুৱকজনৰ থিতাতে নিহত হয় । নিহত হিমাংশু কাকতিৰ ঘৰ ডিব্ৰুগড়ত ।
দুৰ্ঘটনাত গুৰুত্বৰভাৱে আহত আন তিনিজন যুৱক ক্রমে নগাঁও কছলুখােৱৰ মানৱজ্যোতি শইকীয়া (১৯ বছৰ), পুৰণিগুদামৰ ৰাধা গােবিন্দ বৰা (১৮ বছৰ) আৰু হয়বৰগাঁৱৰ সীতানছু (সীতাংশু) আগৰৱালাক (২১ বছৰ) উন্নত চিকিৎসাৰ বাবে গুৱাহাটীলৈ প্ৰেৰণ কৰা হয় । ইয়াৰে ৰাধাগোবিন্দ বৰা নামৰ যুৱকজনক চিকিৎসালয়লৈ নিয়াৰ পথতে মৃত্যু হয় ।
