ব্যস্ত ৰাষ্ট্ৰীয় ঘাইপথত দুৰ্দান্ত গতিত এখন মাৰুতি এচি ৮০০ । ষ্টিয়াৰিং হাতত লৈ চালকৰ আসনত ৯৫ বছৰীয়া এগৰাকী বৃদ্ধা । পাছফালে বহি আছে এজন ব্যক্তি । সম্প্ৰতি সামাজিক মাধ্যমত এই ভিডিঅ’ই বিশেষ জনপ্রিয়তা লাভ কৰিছে । যি দেখি সকলোৱেই স্তম্ভিত ।
ইচ্ছা আৰু উদ্যম থাকিলে যে বয়সেও বাধা দিব নোৱাৰে, তাকে প্ৰমাণিত কৰিলে মধ্যপ্রদেশৰ দেৱাছ জিলাৰ নবতিপৰ ৰেশমবাই তনৱাৰে । তেওঁক লৈয়ে সম্প্ৰতি চর্চা । মধ্যপ্রদেশৰ মুখ্যমন্ত্রী শিৱৰাজ সিং চৌহাণেও ৰেশমবাইৰ সেই ভিডিঅ’ প’ষ্ট কৰি প্রশংসা কৰিছে । তেওঁ কয়, বয়স যে কোনো বাধা নহয়, সেয়া ৰেশমবাইৰ পৰা শিকা উচিত ।
টুইটাৰত তেওঁ লিখে, ‘আইতাই আমাক এইটোৱে শিকালে যে, যদি আগ্রহ থাকে তেন্তে বয়সে বাধা হৈ থিয় দিব নোৱাৰে । ইচ্ছা আৰু উদ্যমেই মূল ।’
दादी मां ने हम सभी को प्रेरणा दी है कि अपनी अभिरुचि पूरी करने में उम्र का कोई बंधन नहीं होता है।
उम्र चाहे कितनी भी हो, जीवन जीने का जज़्बा होना चाहिए! https://t.co/6mmKN2rAR2
— Shivraj Singh Chouhan (मोदी का परिवार ) (@ChouhanShivraj) September 23, 2021
সকলোৰে মাজত বহু চৰ্চিত ৰেশমবাই দেৱাছ জিলাৰ বিলাৱলিৰ বাসিন্দা । তেওঁ তেওঁৰ পুত্ৰ সুৰেশ সিঙক গাড়ী শিকাৰ ইচ্ছা প্রকাশ কৰিছিল । মাতৃৰ ইচ্ছা পূৰণ কৰিবলৈয়ে সুৰেশে ৰেশমবাইক গাড়ী চলাবলৈ শকায় । মাত্র তিনি মাহৰ ভিতৰতে তেওঁ গাড়ী চালাবলৈ শিকে ।
এই বয়সত হাতত ষ্টিয়াৰিং তুলি লোৱাত বহুতেই সংশয় প্রকাশ কৰিছিল । কিন্তু তেওঁলোকক ভুল প্রামাণিত কৰি ৰেশমবায়ে ৰাষ্ট্ৰীয় ঘাইপথত দুর্দান্ত গতিত গাড়ী চলায় !