দিল্লী বিশ্ববিদ্যালয়ৰ স্নাতক প্ৰথম ‘কাট অফ্’ তালিকা প্ৰকাশ : জিছেছ এণ্ড মেৰী কলেজত বি এ (অনাৰ্ছ)-মনোবিজ্ঞানৰ ”কাট অফ্’১০০ শতাংশ নিৰ্ধাৰণ

দিল্লী বিশ্ববিদ্যালয়ে স্নাতক পাঠ্যক্ৰমত নামভৰ্তিৰ বাবে প্ৰথমখন ‘কাট অফ্’ তালিকা প্রকাশ কৰিলে। এই তালিকা অনুসৰি বিশ্ববিদ্যালয়খনৰ অধীনস্থ জিছেছ এম মেৰী কলেজত বি এ অনাৰ্ছ, মনােবিজ্ঞান পাঠ্যক্ৰমত নামভৰ্তিৰ নিম্নতম ‘কাট অফ্’ নম্বৰ হৈছে ১০০ শতাংশ।

‘কাট অফ্’ নম্বৰ লাভ কৰা ছাত্র-ছাত্রীয়ে কলেজলৈ নােযােৱাকৈ ৱেবছাইটৰ জৰিয়তে অনলাইনত নাম পঞ্জীয়ন কৰাব পাৰিব। এই পদ্ধতিৰে ছাত্র- ছাত্ৰীয়ে নিজৰ নামভর্তি প্রক্রিয়া সম্পন্ন কৰিব পাৰিব।

উল্লেখ্য যে ২০২১-২২ শৈক্ষিক বৰ্ষৰ বাবে দিল্লী বিশ্ববিদ্যালয়ে অনলাইন নামভর্তি প্রক্রিয়া গ্রহণ কৰিছে। এইবাৰ বিশ্ববিদ্যালয়খনৰ অধীনত বিভিন্ন মহাবিদ্যালয়ত স্নাতক পাঠ্যক্ৰমত নামভৰ্তিৰ বাবে ৪,৩৮,৬৯৬ ছাত্র-ছাত্রীয়ে আবেদন দাখিল কৰিছিল।