গুৱাহাটীত দুদিনীয়াকৈ অনুষ্ঠিত হোৱা ছুটি ছবি মহোৎসৱৰ আজি সামৰণি পৰে । নিৰি৯-ৰ উদ্যোগত আৰু সদৌ অসম চলচিত্ৰ প্ৰযোজক সংস্থাৰ সহযোগত এই ছুটি ছবি মহোৎসৱৰ আয়োজন কৰা হয় ।
এই ছুটি ছবি মহোৎসৱত ২০খন ছুটিছবি প্ৰতিযোগিতাৰ বাবে মনোনীত কৰা হৈছিল ।তাৰে ভিতৰত শ্ৰেষ্ঠ ছুটি ছবিৰ সন্মান লাভ কৰে “মিঠা দৈ” নামৰ ছুটি ছবিখনে । দ্বিতীয় আৰু তৃতীয় শ্ৰেষ্ঠ ছবিৰ সন্মান লাভ কৰে ক্ৰমে “আলুফ ” আৰু “চক্ৰ” নামৰ ছুটি ছবি দুখনে । ইয়াৰ উপৰি ফাৰ ছাইটেড, পাপ আৰু লাইফ উইথ আউট গ্ৰেভেটি নামৰ তিনিখন ছুটি ছবিক জনপ্ৰিয় ছুটি ছবি হিচাপে বাছনি কৰা হয় ।
এই মহোৎসৱৰ শ্ৰেষ্ঠ অভিনেতা হিচাপে মিণ্টু বৰুৱা, শ্ৰেষ্ঠ অভিনেত্ৰী হিচাপে ৰ’জ লংচাৰ আৰু শ্ৰেষ্ঠ শিশু অভিনেতা হিচাপে চাৰ্ম জেণ্ডীক নিৰ্বাচিত কৰা হয় । মহোৎসৱৰ সামৰণি অনুষ্ঠানত উপস্থিত থাকে ৰাষ্ট্ৰীয় বঁটাপ্ৰাপ্ত চলচিত্ৰ নিৰ্মাতা সান্তনা বৰদলৈ, ৰাষ্ট্ৰীয় বঁটাপ্ৰাপ্ত চলচিত্ৰ নিৰ্মাতা গৌতম বৰা আৰু ঔপন্যাসিক মণিকুন্তলা ভট্টাচাৰ্য ।