বাগসা জিলা এবছুৰ বাৰ্ষিক অধিবেশন উপলক্ষে মইনামাতাৰ হেলচিগুৰীত আজি মুখ্য কাৰ্যালয় এটাৰ শুভ উদ্বোধন কৰে এবছু নেতৃত্বই ৷ বাগসাৰ খাৰিজা বিজনী এবছুৰ উদ্যোগত অহা সাত, আঠ আৰু ন জানুৱাৰীত তিনিদিনীয়া বৰ্ণাঢ্য কাৰ্যসূচীৰে অনুষ্ঠিত হ’ব বাগসা জিলা এবছুৰ বাৰ্ষিক অধিবেশন ৷ সেই উপলক্ষে আজি খাৰিজা বিজনীৰ মইনামাতাৰ হেলচিগুৰীত বাগসা জিলা এবছুৰ সভাপতি উমেশ দৈমাৰীয়ে ৰঙা ফিটা কাটি অধিবেশনৰ কাৰ্যালয় মুকলি কৰাৰ লগতে অধিবেশনখন সাফল্যমণ্ডিত কৰাৰ বাবে ৰাইজৰ সহায় সহযোগিতা কামনা কৰে ৷
আজি কাৰ্যালয় মুকলি কৰাৰ লগতে এখন দলীয় আলোচনা চক্ৰও অনুষ্ঠিত হয় ৷ উল্লেখ্য যে সভাখনত ইউপিপিএলৰ জ্যেষ্ঠ নেতা যোগেশ্বৰ বসুমতাৰীৰ লগতে এবছু আৰু ইউপিপিএলৰ বহুসংখ্যক কৰ্মী উপস্থিত থাকে ।