ডিচেম্বৰৰ প্ৰথম সপ্তাহত ভাৰত ভ্ৰমণৰ সম্ভাৱনা ৰাছিয়াৰ ৰাষ্ট্ৰপতি ভ্লাডিমিৰ পুতিনৰ । দুই দেশৰ বার্ষিক সন্মিলনৰ (Annual Summit) উপলক্ষ্যে অহা ছয় ডিচেম্বৰত দিল্লীলৈ আহিব পাৰে ৰাষ্ট্ৰপতি পুতিন । এদিনীয়া কাৰ্যসূচীৰ ভাৰত ভ্ৰমণত তেওঁ প্রধানমন্ত্রী নৰেন্দ্র মোদীৰ স’তে বিভিন্ন বিষয়ত আলোচনা কৰিব । এই ভ্ৰমণতেই কিছুসংখ্যক চুক্তি স্বাক্ষৰ হোৱাৰ সম্ভাৱনা আছে বুলি সূত্রৰ খবৰ ।
ডিচেম্বৰতেই বায়ুসেনাই ৰাছিয়ান বায়ুসেনা যান এছ৪০০ লাভ কৰিব পাৰে । আকাশপথত সুৰক্ষা বৃদ্ধি কৰিবলৈ ৰাছিয়াৰ পৰা এই যান সৰবৰাহক লৈ চুক্তি হৈছিল ভাৰতৰ ৷ তাৰ পূৰ্বে পুতিনৰ এই ভ্ৰমণ যথেষ্ট গুৰুত্বপূৰ্ণ বুলি ধাৰণা কৰিছে তথ্যবিজ্ঞ মহল ।
ৰাছিয়ান ৰাষ্ট্রপতিৰ ভ্ৰমণ চলিত বৰ্ষৰ তেওঁৰ দ্বিতীয় একমাত্র বিদেশী ভ্ৰমণ । প্রথমটো মার্কিন ৰাষ্ট্ৰপতি জ’ বাইডেনৰ স’তে শীর্ষ সন্মিলনৰ বাবে জেনেভাত গৈছিল । ক’ভিড সংকটৰ বাবে ইটালীত জি-২০ সন্মিলনত তেওঁ ভার্চুৱেলী যোগ দিছিল ।
বিগত বৰ্ষত, ক’ভিড সংকটৰ বাবে বার্ষিক শীর্ষ সন্মিলন স্থগিত হয় । ৰাছিয়া আৰু জাপান একমাত্র দুখন দেশ যাৰ স’তে ভাৰতৰ এই বার্ষিক শীর্ষ সন্মিলনৰ ব্যৱস্থা আছে । এই পর্যন্ত, ভাৰত আৰু ৰাছিয়াত বিকল্পভাৱে ২০টা বার্ষিক শীর্ষ বৈঠক অনুষ্ঠিত হৈছে ।
স্বাভাবৱিকতেই, ক’ভিড সংকট শীর্ষ সন্মিলনৰ মূল আলোচ্য বিষয় । ৰাছিয়াৰ স্পুটনিক ভি ভেকচিন ভাৰতত উৎপাদন কৰা হৈছে আৰু ক’ভিডৰ মাৰাত্মক দ্বিতীয় ঢৌৰ সময়ত মস্কোৱে নতুন দিল্লীত মানৱীয় সহায়তা পাঠাইছিল । উভয় দেশেই আফগানিস্তানৰ সমস্যাৰ স’তে জড়িত, ৰাছিয়াৰ ৰাষ্ট্ৰীয় নিৰাপত্তা উপদেষ্টা (নিৰাপত্তা পৰিষদৰ সচিব) নিকোলাই পি পাত্রুশেভে দেশৰ পৰিস্থিতিক লৈ আলোচনাৰ বাবে আগষ্টত তালিবানে কাবুল দখলৰ পাছৰ পৰা দুবাৰ দিল্লী ভ্ৰমণত আহিছে ।