উত্তৰ বংগত বিপন্ন বন্যপ্রাণী । জলপাইগুৰিত (Jalpaiguri) পুনৰ পূর্ণবয়স্ক হাতীৰ অস্বাভাৱিক মৃত্যু । কোচবিহাৰৰ সাগৰদিঘিত প্ৰত্যক্ষ হ’ল বহুকেইটা মৃত কাছ (Tortoise) । উক্ত ঘটনাক কেন্দ্র কৰি অঞ্চলজুৰি তীব্ৰ চাঞ্চল্যৰ সৃষ্টি হৈছে ।
স্থানীয় সূত্রে খবৰ, খাদ্যৰ সন্ধানত প্রায়েই হাতীৰ দল সোমাই পৰে জলপাইগুৰিৰ মোৰাঘাট বনাঞ্চল নিকটৱৰ্তী বসতি অঞ্চলত । কিছুদিন পূৰ্বে পুৱা মংগলকাটা বনবস্তিত এটা পূর্ণবয়স্ক হাতীৰ মৃতদেহ প্ৰত্যক্ষ কৰে স্থানীয় বাসিন্দাসকলে । লগে লগে বিন্নাগুৰি ৱাইল্ড লাইফ স্কোয়াড আৰু বন দপ্তৰৰ মোৰাঘাট ৰেঞ্জৰ অফিচত খবৰ দিয়া হয় । খবৰ লাভ কৰিয়ে দ্রুত ঘটনাস্থলিত উপস্থিত হয় বন দপ্তৰৰ কর্মচাৰী । হাতীৰ দেহটো উদ্ধাৰ কৰি মৰণোত্তৰ পৰীক্ষণৰ বাবে প্ৰেৰণ কৰা হয় ।
ইয়াৰ আগতেও মোৰাঘাটা ৰেঞ্জৰেই গাঁড়কুটা অঞ্চলত এটা হাতীৰ মৃতদেহ উদ্ধাৰ হৈছিল । সেইবাৰ বিদ্যুৎস্পৃষ্ট হৈ প্রাণ হেৰুৱাইছিল বন্য প্রাণীটোৱে । বনকর্মীসকলৰ অনুমান, এইবাৰো একেই ঘটনা ঘটিছে । এনেদৰে দেওবাৰে হাতীৰ মৃত্যুত উদ্বিগ্ন পৰিৱেশপ্রেমীসকল ।
ইপিনে, পুনৰ বহুকেইটা কাছৰ মৃত্যু হ’ল কোচবিহাৰৰ ঐতিহ্যমণ্ডিত সাগৰদিঘিত । প্রত্যক্ষদর্শীসকলৰ দাবী, সাগৰদিগিত ১০-১২টা কাছৰ মৃত্যু হৈছে । কিন্তু কিয় ? প্রশাসনৰ বিৰুদ্ধে উদাসীনতাৰ অভিযোগ উত্থাপিত হৈছে । এক প্রাতঃভ্রমণকাৰীয়ে জনাইছে, ‘ইয়াত গোবৰ সাৰ দিয়া হৈছে বুলি শুনিছো । সেয়ে এই ঘটনা সংঘটিত হ’ব পাৰে ।’ মৃত কাছকেইটাৰ দেহ মৰণোত্তৰ পৰীক্ষণৰ বাবে প্ৰেৰণ কৰিছে বন বিভাগে ।