আবু ধাবিত এক সংগীত অনুষ্ঠানত অংশ লোৱাৰ সময়ত পাকিস্তানী সংগীত শিল্পীৰ সমৰ্থনত মন্তব্য প্ৰকাশ কৰি বিতৰ্কৰ সৃষ্টি কৰিলে বলিউডৰ জনপ্ৰিয় সংগীত শিল্পী অৰিজিত সিঙে ।
যোৱা ১৮ নৱেম্বৰ মধ্য প্ৰাচ্যৰ সৰ্ববৃহৎ ইনড’ৰ ষ্টেডিয়ামত সংগীত অনুষ্ঠান পৰিবেশন কৰিছিল ভাৰতৰ এইজন জনপ্ৰিয় সংগীত শিল্পীয়ে । হাতত গীটাৰ লৈ গীত পৰিবেশন কৰাৰ সময়তে জনপ্ৰিয় পাকিস্তানী শিল্পী আতিফ ইছলামৰ গীত ‘পেহলি নজৰ মে কেইচা জাদু কৰদিয়া’ গাবলৈ আৰম্ভ কৰিছিল অৰিজিতে ।
গানটো গাই থকাৰ সময়তে হঠাতে দৰ্শকক চমক দি অৰিজিতে ক’বলৈ ধৰে, ‘এটা প্ৰশ্ন আছে, বিতৰ্কিত প্ৰশ্ন আছে…. কিন্তু মই প্ৰশ্ন কৰিমেই কিয়নো মই কাকো কেৰেপ নকৰো । আচ্ছা মই সিমান বাতৰি নাচাও পাকিস্তানী শিল্পীসকলৰ গান এতিয়াও ভাৰতত বন্ধ হৈ আছে নেকি ? এনে ঘটনা মাজতে ঘটিছিল, এতিয়াও বাহাল আছে নেকি ? কিয়নো বিষয়টো হ’ল আতিফ ইছলাম মোৰ অন্যতম প্ৰিয় শিল্পী, ছাফকত অমানত আলীও প্ৰিয় ?’