গোসাঁইগাঁও বিধানসভা সমষ্টিৰ এক নম্বৰ আৰু দুই নম্বৰ মাজেৰ ডাৱৰী গাঁৱৰ যোগাযোগৰ একমাত্ৰ উপায় এখন টুলুঙা নাও । গাঁও দুখনৰ মাজত থকা দামৰা নদীৰ ওপৰত দলং নথকা ফলত স্বাধীনতাৰ পূৰ্বৰ পৰাই নাৱৰে যাতায়ত চলি আহিছে ।
খৰালি কালত লোক সকলে যাতায়ত কৰে নাৱেৰে ।বাৰিষাত যাবলৈ একমাত্ৰ টুলুঙা নাও । টুলুঙা নাওখনে একমাত্ৰ ভৰসা গাঁৱৰ লোক সকলৰ । গাঁও দুখনৰ লোক সকলৰ বজাৰ-হাট, চৰকাৰী কাৰ্যালয়, বেমাৰ-আজাৰ, কৃষি কাৰ্য কৰিবলৈ হ’লে নাৱেৰে পাৰাপাৰ হ’ব লাগে । কেৱল সেয়াই নহয় বিদ্যালয়-মহাবিদ্যালয় যাবলৈ এই টুলুঙা নাৱেৰেই নদী পাৰ হৈ যাব লাগে । ইয়াৰ কোনো বিকল্প নাই ।
আদিম যুগৰ পৰাই গাঁও দুখনৰ ৰাইজে চলাচল কৰি আহিছে যদিও অসম চৰকাৰ হওক বা বিটিচি চৰকাৰ হওক কাৰো দৃষ্টি আকৰ্ষণ নকৰিলে । অতি তাৎপৰ্যপূৰ্ণ যে, টুলুঙা নাৱেৰে দৈনন্দিন পাৰাপাৰ হোৱা গাঁৱৰ ৰাইজে টকা নিদি ছমাহৰ মূৰে মূৰে নিৰ্দিষ্ট হাৰত ধান দি আহিছে । পকী দলং নিৰ্মাণৰ বাবে চৰকাৰলৈ ৰাইজৰ কাতৰ আহ্বান ।