মানসিক অসুস্থতাৰ অন্যতম প্ৰধান কাৰণ মানসিক উদ্বেগ। পৰিসংখ্যা অনুসৰি, বিশ্বজুৰি প্ৰায় ২৭ কোটি লোক মানসিক উদ্বেগৰ সমস্যাত ভুগিআছে। বিভিন্ন প্ৰকাৰৰ ভয়ৰ পৰা সম্পৰ্কৰ সমস্যালৈকে, মানসিক ৰোগৰ লক্ষণবোৰ একাধিক।
মানসিক সমস্যাৰ মোকাবিলা কৰিবলৈ প্ৰায় লোকৰে ঔষধৰ প্ৰয়োজন হয় । কিন্তু বহুক্ষেত্ৰত একাধিক স্বাস্থ্যকৰ অভ্যাসে মানসিক স্বাস্থ্য উন্নত কৰাত সহায় কৰে। সঠিক খাদ্যাভ্যাস এনে এক পদ্ধতি। বিশেষজ্ঞসকলৰ মতে, কোনবোৰ খাদ্যই মানসিক উদ্বেগ উপশম কৰিব পাৰে জানি লওঁক।
(১) হালধি
হালধিত কাৰকিউমিন থাকে। মানসিক উদ্বেগ আৰু মগজুৰ পুষ্টি হ্ৰাস কৰাত ইয়াৰ ভূমিকা বহুত । ইয়াৰ উপৰিও, কাৰকিউমিনে আলফা লিনোলিনিক এচিড বৃদ্ধি কৰে, যি ডি.এইচ.এ.-ৰ নিঃসৰণ আৰু কাৰ্যকৰীতা বৃদ্ধি কৰে, বুলি বিশেষজ্ঞসকলে কয়। এক অধ্যয়ন অনুসৰি আঠ সপ্তাহৰ বাবে সামান্য পৰিমাণৰ হালধি খোৱাটোৱে মানসিক উদ্বেগ হ্ৰাস কৰিব পাৰে।
(২) ডাৰ্ক চকলেট
ডাৰ্ক চকলেটৰ এটা উপাদান হৈছে ফেভনল। এপিকাটাকিন আৰু কেটাকিনৰ দৰে উপাদানবোৰ হৈছে এণ্টিঅক্সিডেণ্ট। কে’বাটাও অধ্যয়নে কয় যে এই উপাদানবোৰে মস্তিষ্কৰ স্বাস্থ্য সুৰক্ষিত কৰাত সহায় কৰে। মস্তিষ্কৰ কোষলৈ ৰক্ত সঞ্চালন বৃদ্ধি কৰে। স্নায়ুকোষৰ প্ৰদৰ্শন বৃদ্ধিত ইয়াৰ ভূমিকা আছে বুলিও কোৱা হয়।
(৩) দৈ
প্ৰ’বায়োটিক থকা দৈৰে প্ৰদাহ হ্ৰাস হয় ।বিশেষজ্ঞসকলৰ মতে, এমাহৰ বাবে দিনত দুবাৰকৈ ১২৫ গ্ৰাম দৈ খোৱাৰ ফলত অনুভূতি নিয়ন্ত্ৰণ কৰা সহজ হয়। ই মানসিক উদ্বেগ হ্ৰাস কৰে।
(৪) গ্ৰীণ টি
গ্ৰীণ টি-ত এল-থিয়েনিন নামৰ এমিনো এচিড থাকে। ই মস্তিষ্কৰ স্বাস্থ্য বজাই ৰখা আৰু উদ্বেগ হ্ৰাস কৰাত অতি উপযোগী। গৱেষকসকলৰ মতে, গ্ৰীণ টি-য়ে চাপ হৰমন কৰ্টিছল হ্ৰাস কৰে। বিশেষজ্ঞসকলে কৈছে যে গ্ৰীণ টি স্নায়ুৰ চাপ হ্ৰাস কৰাতো উপযোগী।
