কম সংখ্যক দিনতেই টিকাকৰণৰ আন এক মাইল খুটি স্পৰ্শ কৰিলে ভাৰতে । চলিত বৰ্ষৰ তিনি জানুৱাৰীত ১৫ৰ পৰা ১৮ বছৰ বয়সৰ কিশোৰ-কিশোৰীসকলৰ ক’ভিড টিকাকৰণ আৰম্ভ হৈছিল ভাৰতত । সেই টিকাকৰণ প্রক্রিয়া আৰম্ভ হোৱাৰ ১৫ দিনৰ ভিতৰতেই দেশত এই বয়স সীমাৰ ভিতৰত থকা ৫০ শতাংশৰ টিকাকৰণ সম্পন্ন হৈছে বুলি জনায় কেন্দ্রীয় স্বাস্থ্যমন্ত্রী মনসুখ মাণ্ডব্যই । কালি মাণ্ডব্যই এই সংক্রান্ত এটা টুইট কৰে । আজি পুৱা মাণ্ডব্যল সেই টুইটটো ৰিটুইট কৰে প্রধানমন্ত্রী নৰেন্দ্র মোদীয়ে ।
আজি স্বাস্থ্যমন্ত্রীৰ টুইট ৰিটুইট কৰি প্রধানমন্ত্রী নৰেন্দ্র মোদীয়ে লিখে, ‘যুব ভাৰতে পথ দেখুৱাইছে । এইটো অতি উৎসাহজনক খবৰ ৷ এই ধাৰা অব্যাহত ৰাখিব লাগিব ৷ টিকাকৰণ কৰোৱা আৰু ক’ভিড সংক্রান্ত নিয়মাৱলী মানি চলা অতি গুৰুত্বপূর্ণ ৷ আমি একেলগে অতিমাৰীৰ বিৰুদ্ধে এই যুঁজ দিম ৷’
Young and youthful India showing the way!
This is encouraging news. Let us keep the momentum.
It is important to vaccinate and observe all COVID-19 related protocols. Together, we will fight this pandemic. https://t.co/RVRri5rFyd
— Narendra Modi (@narendramodi) January 19, 2022
উল্লেখ্য, কালি পর্যন্ত কিশোৰ-কিশোৰীসকলৰ টিকাকৰণ অভিযানত ৩.৫ কোটিৰো অধিক শিশুৱে কৰ’নাৰ টিকাৰ প্রথম ড’জ লৈছে ।