উত্তৰ গুৱাহাটীত বহু দিনৰ পৰাই আতঙ্কময় পৰিৱেশ সৃষ্টি কৰি অহা দুচিন্তা কিছু আতৰিল যদিও অবকাশ থাকিয়ে গ’ল । কিয়নো এটা নাহৰ ফুটুকি বাঘ পিঞ্জৰাবদ্ধ হ’ল যদিও গুজৰি গুমৰি আছে আন এটি প্ৰকাণ্ড নাহৰ ফুটুকি বাঘে ।
দীৰ্ঘদিনৰ পৰা আতঙ্ক নমোৱা প্ৰকাণ্ড নাহৰ ফুটুকি বিচৰণৰ অভিযোগ উঠিছিল বহুদিনৰ পৰা । শিশু গ্ৰামৰ সমীপৰ জি এন আৰচি আৰু আই আই টি গেটৰ সমীপত পশুধন খাই তহিলঙ কৰি আহিছিল বাঘটোৱে।
কিছুদিন পুৰ্বে এ আই আই টি গেটৰ পথত নাহৰ ফুটুকি আৰু ডাম্পাৰ চালক নিশা মুখামুখি হৈছিল । ডাম্পাৰ চালকৰ বাঘৰ ফটো ছ’চিয়েল মিডিয়াত ভাইৰেলৰ হোৱাৰ পাছত সক্ৰিয় হ’ল চিলা বনাঞ্চলিক বিষয়াৰ দল ।
চাৰিদিন ধৰি শিশু গ্ৰাম চৌহদত পিঞ্জৰা পতা পাছতো আৱদ্ধ হোৱা নাছিল বাঘটো ।অৱশেষত আজি পিঞ্জৰাবদ্ধ হ’ল এটা পুৰ্ণ বয়স্ক নাহৰ ফুটুকি ।
বাঘ পিঞ্জৰাবদ্ধ খবৰ পোৱা মাত্ৰকে ,স্বস্তিৰ নিশ্বাস এৰিলে শিশু গ্ৰামৰ কন কন শিশু তথা স্থানীয় লোকে । স্থানীয় লোকৰ অভিযোগ, আই আই টি গেটৰ পাহাৰত এটা বাঘেই নহয় আছে হেনো বহু বাঘ ।
এজন স্থানীয় লোকে কোৱা আনুসৰি বাঘটো পিঞ্জৰাবদ্ধ হোৱা সময়ত তেওঁ চাবলৈ গৈছিল যদিও পিঞ্জৰাৰ বাহিৰত আন এটা প্ৰকাণ্ড বাঘ দেখি প্ৰাণ লৈ পলায়ন কৰে ।
ৰঙিয়া উত্তৰ কামৰূপ সংমণ্ডল বন বিষয়া চানি দেওল চৌধুৰীয়ে কয় ,’এই অঞ্চল নাহৰ ফুটুকীৰ বিচৰণভুমি । গতিকে নাহৰ ফুটুকীৰ ওপৰত আমি পৰ্যবেক্ষণত আছো ,ইয়াত বহু বাঘ আছে । আমি ইতিমধ্যে অঞ্চলটিৰ ঠায়ে ঠায়ে গণনাৰ বাবে ভিন্ন স্থানত লগাইছো চি চি কেমেৰা । ‘ পিঞ্জৰাবদ্ধ নাহৰ ফুটুকী টো পুনৰ অভয়াৰণ্যত মুকলি কৰাৰ বাবে উদ্যোগ লৈছে বন বিভাগে । আনটো বাঘ পিঞ্জৰাবদ্ধ কৰাৰ বাবে পুনৰ ফান্দ পাতিব বুলিও কলে বন সংমণ্ডল বিষয়া গৰাকীয়ে ।
