আফগানিস্তানত আকৌ এবাৰ শিক্ষানুষ্ঠানত প্ৰৱেশ কৰাৰ সুযোগ পালে ছোৱালীসকলে । দ্বিতীয় তালিবান শাসনৰ পাছত এইটো প্ৰথম বাৰৰ বাবে য’ত চৰকাৰী শিক্ষানুষ্ঠানসমূহ ছোৱালীৰ বাবে মুকলি কৰা হৈছে।
তালিবান প্ৰশাসনে এতিয়ালৈকে বিষয়টোৰ ওপৰত আনুষ্ঠানিক বিবৃতি জাৰি কৰা নাই। অৱশ্যে, দেশৰ শিক্ষা বিষয়াসকলে কয় যে শিক্ষাৰ্থীসকলক বিদ্যালয়লৈ ঘূৰি আহিবলৈ অনুমতি দিয়া হৈছে। কিন্তু এইটো চৰ্তসাপেক্ষ।
বিষয়াসকলে কয় যে ছোৱালীবোৰক ল’ৰাবোৰৰ পৰা পৃথক স্থানত শ্ৰেণীত বহাৰ চৰ্তত বিদ্যালয়ত পুনৰ প্ৰৱেশ কৰাৰ অধিকাৰ দিয়া হৈছে।
যদিও শিক্ষানুষ্ঠানসমূহৰ ভিতৰত পৃথক আসন আছে, তেওঁলোকে শ্ৰেণীৰ বাহিৰৰ ল’ৰাবোৰৰ স’তে বাৰ্তালাপ কৰিব পাৰিব নে তেওঁলোকক কোনো পুৰুষ শিক্ষকে পাঠদান কৰিব পাৰিব নে নাই সেই বিষয়ে কোনো স্পষ্টতা নাই।