পুনৰ বিতর্কিত মন্তব্য কৰিলে সাধ্বী প্রজ্ঞা সিং ঠাকুৰে । এইবাৰ মধ্য প্রদেশৰ ভোপালৰ বিজেপি সাংসদসকলক লক্ষ্য কৰি শিক্ষাপ্রতিষ্ঠানত মুছলিম ছাত্রীসকলে হিজাব পৰিধান কৰাৰ অধিকাৰক লৈ সাম্প্রতিক বিতর্ক ।
বৃহস্পতিবাৰূ ভোপালৰ এটা মন্দিৰচ আয়োজিত সভাত প্রজ্ঞাই কয়, ‘‘যিসকলে নিজৰ ঘৰত নিৰাপদ নহয়, তেওঁলোককেই হিজাবৰ প্রয়োজন । তেওঁলোকে ঘৰতেই পিন্ধক । প্রকাশ্যত হিজাব পৰিধান কৰাৰ কোনো প্রয়োজন নাই । কাৰণ, হিন্দু ধর্মই নাৰীক পূজ কৰিবলৈ শিকায় ।’’ অৱশ্যে মুসলিম ছাত্রীসকলে ইচ্ছা কৰিলে ‘তেওঁলোকৰ মাদ্রাছা’ত হিজাব পিন্ধিব পাৰে বুলি জনায়, মালেগাঁও বিস্ফোৰণ-কাণ্ডৰ অন্যতম অভিযুক্ত সাধ্বীয়ে ।
बतौर सांसद आप किसकी नुमाइंदगी करते हैं? ये ऐसे शब्द कहती हैं जिन्हें लिखना भी ठीक नहीं लगता, सुनिये एक सांसद के #हिजाब पर विचार! pic.twitter.com/sigz7QCrNi
— Anurag Dwary (@Anurag_Dwary) February 17, 2022
মুছলমান মহিলাসকলে হিজাব পৰিধান কৰাৰ বিতর্কিত মন্তব্য কৰি বাৰে বাৰে খবৰৰ শিৰোনামত আহে প্রজ্ঞা । তেওঁৰ মন্তব্য, ‘‘হিজাব হ’ল পৰ্দা । যিয়ে আপোনাৰ ওপৰত কুদৃষ্টি দিয়ে তেওঁলোকৰ বিৰুদ্ধে পৰ্দা ব্যৱহাৰ কৰা উচিত । কিন্তু নিশ্চিতভাৱেই হিন্দুসকলে তেওঁলোকক বেয়া চকুৰে নাচায় । কাৰণ তেওঁলোকে নাৰীক পূজা কৰে ।’’
কর্নাটকৰ শিক্ষা প্রতিষ্ঠানত হিজাবসহ ‘ধর্মীয়’ পোছাক পৰিধান কৰি যাব নোৱাৰিব বুলি বুধবাৰে অন্তৰ্ৱর্তিকালীন নির্দেশ দিছে ৰাজ্যৰ উচ্চ ন্যায়ালয়ে । তেনে সময়তে নতুনকৈ আৰম্ভ হৈছে হিজাব পৰিধান কৰাৰ অধিকাৰৰ দাবীত আন্দোলন । মধ্য প্রদেশতো ইতিমধ্যে হিজাব বিতর্ক আৰম্ভ হৈছে । দাতিয়া জিলাৰ এক চৰকাৰী মহাবিদ্যালয়ত বিশ্ব হিন্দু পৰিষদৰ মহিলা মর্চা ‘দুর্গা বাহিনী’ৰ আন্দোলনৰ পৰিপ্রেক্ষিতত মুছলিম ছাত্রীসকলে হিজাব পিন্ধি ক্লাছ কৰাৰ ওপৰত নিষেধাজ্ঞা জাৰি হৈছে ।