৩৯ বছৰ অতিক্ৰম কৰিলে নেলীৰ গণহত্যা কাণ্ডই ৷ ১৯৮৩ত দৰঙ জিলাৰ নেলীত ধৰ্মীয় সংখ্যালঘু লোকক দুবৃত্তই হত্যালীলা চলাইছিল ৷ কিন্তু আজি ৩৯ বছৰ অতিক্ৰম কৰাৰ পাছতো উক্ত গণহত্যাত নিহত আহতৰ সহস্ৰাধিক পৰিয়ালৰ লোকে আজি পৰ্যন্ত ন্যায় নোপোৱাৰ অভিযোগ উত্থাপন কৰে সদৌ বিটিএডি সংখ্যালঘু ছাত্ৰ ইউনিয়ন চমুকৈ এবিএমছুৱে ৷
আজি সন্ধিয়া বাগসাৰ খাৰিজা বিজনীৰ মিলন বজাৰত শালবাৰী জিলা এবিএমছুৱে এই উপলক্ষে এক বন্তি প্ৰজ্বলন কাৰ্যসূচী ৰূপায়ণ কৰে ৷ নেলী গণহত্যাত নিহত লোকসকলৰ আত্মাৰ চিৰশান্তি কামনাৰে কাৰ্যসূচীত অংশগ্ৰহণ কৰি মৌন প্ৰাৰ্থনা কৰে এবিএমছুৰ নেতা-কৰ্মী সকলে ৷
উল্লেখ্য যে উক্ত গণহত্যাৰ তদন্তৰ বাবে গঠন কৰা ‘তেৱাৰী আয়োগৰ’ প্ৰতিবেদন ৰাজহুৱা কৰাৰ বাবে দাবী জনায় সংগঠনটোৰ শালবাৰী জিলা সমিতিৰ সভাপতি স্বাইজুদ্দিন খন্দকাৰে ৷