কোকৰাঝাৰ জিলাৰ ফকিৰাগ্ৰাম থানাৰ অধীন তিনিকোনা গাঁৱৰ বাসিন্দা শিক্ষক বেৰলাও বেথাও ব্ৰহ্মক নিশাৰ এন্ধাৰৰ সুযোগ লৈ অচিনাক্ত দুষ্কৃতিকাৰীয়ে ঘৰৰ পৰা জোৰ কৰি নি গভীৰ অৰণ্যৰ মাজত পৰিকল্পিত হত্যা কৰে । এই কাৰ্যক ধিক্কাৰ জনোৱাৰ লগতে দোষীক চিনাক্ত কৰি উপযুক্ত শাস্তিৰ দাবী জনায় এবছুৰ লগতে ইউপিপিএল দলৰ কোকৰাঝাৰ জিলা সমিতিয়েও ।
আজি এবছু আৰু ইউপিপিএল দলৰ এটা সজাতি দল পৃথকে পৃথকে শিক্ষক বেৰলাও বেথাও ব্ৰহ্মৰ ঘৰত উপস্থিত হৈ মৃত্যু হোৱা শিক্ষকজনৰ ঘটনাটোৰ খবৰ লয় । লগতে কোকৰাঝাৰ জিলা প্ৰশানৰ ওচৰত দোষীক চিনাক্ত কৰি ফাষ্টট্ৰেক আদালতত বিচাৰ কৰি উপযুক্ত শাস্তিৰ দাবী জনাইছে ইউপিপিএল দলৰ জিলা সভাপতি সুৰজ মুচাহাৰী আৰু এবছুৰ কোকৰাঝাৰ জিলা সভাপতি কৃপেশ দৈমাৰীয়ে ।