চলিত বিত্তীয় বৰ্ষটো সমাপ্ত হ’বলৈ মাজত আৰু মাত্র কেইটামান দিন বাকী। তাৰ আগতে কৰি লওক এইকেইটা দৰকাৰী কাম। নহ’লে সময় উকলাৰ পাছত আপুনি ইয়াৰ বাবে জৰিমনা ভৰিব লগা হ’ব পাৰে।
আয়কৰ ৰিটার্ণ দাখিল
২০২০-২১ বিত্তীয় বৰ্ষৰ আয়কৰ ৰিটার্ণ দাখিলৰ সময়সীমা পূৰ্বতে ২০২১ ৩১ ডিচেম্বৰ আছিল যদিও যিসকলে দাখিল কৰা নাই তেওঁলােকৰ বাবে এতিয়াও সেই সুযােগ আছে। অহা ৩১ মাৰ্চৰ ভিতৰত আয়কৰ ৰিটার্ণ দাখিল কৰি ল’ব পাৰিব কৰাতাসকলে। অন্যথা ৫০০০ টকাৰ জৰিমনা দিব লাগিব।
অগ্রিম কৰ জমা
২০২১-২২ বিত্তীয় বৰ্ষৰ বাবে অগ্রিম কৰ জমা দিয়াৰ শেষ তাৰিখ হ’ল অহা ১৫ মার্চ। আয়কৰ দাতাসকলৰ যিসকলে উক্ত তাৰিখৰ ভিতৰত অগ্রিম আয়কৰ জমা নকৰে তেন্তে ধাৰা ২৩৪/২৩৪ বি অনুসৰি সুত কার্যকৰী হ’ব ।
কৰ ৰাহি
যিসকল কৰদাতাই ২০২১-২২বিত্তীয় বৰ্ষৰ বাবে পুৰণি কৰ ব্যৱস্থাৰ বিকল্প বাছনি কৰিছে তেওঁলােকে ২০২২ৰ ৩১ মাৰ্চৰ পূর্বে নিজৰ টেক্স ছেভিংছ প্রক্রিয়া সম্পূর্ণ কৰিব লাগিব।
পেন-আধাৰ সংযুক্তিকৰণ
বর্তমানলৈও পেন কাৰ্ডৰ স’তে আধাৰ কাৰ্ডৰ্ক সংযােগ নকৰা সকলে অহা ৩১ মার্চ ভিতৰত সেই কাম কৰি লওক। অন্যথা পেন কার্ড নিষ্ক্রিয় হৈ পৰিব পাৰে আপােনাৰ। লগতে ১০০০ টকা পর্যন্ত জৰিমনা ভৰিব লগা হ’ব পাৰে।
বেংকৰ কেৱাইচি
ভাৰতীয় ৰিজাৰ্ভ বেংকে গ্রাহকৰ সুবিধার্থে কেৱাইচি পূর্ণ কৰাৰ সময়সীমা ২০২১ ৰ ৩১ ডিচেম্বৰৰ পৰা ২০২২ ৰ ৩১ মার্চলৈ বৃদ্ধি কৰিছে। গতিকে যিসকল গ্রাহকে এই গুৰুত্বপূর্ণ কামভাগ এতিয়াও পেলাই থৈছে, লৰালৰিকৈ সম্পন্ন কৰক।