তামাৰহাটত দুটা প্ৰকাণ্ড অজগৰ উদ্বাৰ ,বনাঞ্চলৰ এৰি দিয়ে বন বিভাগে

ধুবুৰী জিলাৰ তামাৰহাটৰ নিকটৱৰ্তী আপৰাপাৰত এটা পুখুৰীতে দুটাকৈ অজগৰ উদ্ধাৰ হোৱা ঘটনাই তীব্ৰ চাঞ্চল্যৰ সৃষ্টি হৈছে ।

ধুবুৰী জিলাৰ তামাৰহাট থানাৰ অন্তৰ্গত বৰুণডাঙ্গা আপৰাপাৰত উদ্ধাৰ হয় এই অজগৰ দুটা, এটা ১৩ ফুট আনটো সাত ফুট দীঘল ।

গাওঁ খনৰ দুলাল ৰায় নামৰ লোক জনে নিজৰ পুখুৰীত মাছ ধৰিবলৈ গৈ জালত অজগৰটো প্ৰত্যক্ষ কৰে । পাছত আলোকঝাৰি বনবিভাগত খবৰ দিয়াত বনকৰ্মীয়ে ঘটনাস্থলীত উপস্থিত হৈ পুখুৰী টোত জাল পেলাই প্ৰায় ছয় সাত ফুট দীঘলৰ এটা অজগৰ উদ্ধাৰ কৰে ।

ইপিনে উদ্ধাৰ কৃত অজগৰটো আটক কৰি লৈ যোৱাৰ সময়তে আন এটা অজৰ ৰাইজে প্ৰতক্ষ্য কৰাত জাল পেলাই ১৩ ফুট দীঘলৰ অজগৰটো আটক কৰে ।

আনফালে অজগৰ চাবলৈ পুখুৰীৰ পাৰত ৰাইজৰ হেতা ওপৰা । বন বিভাগে আজি দুয়োটা অজগৰ উদ্ধাৰ কৰি আলোকঝাৰি বনাঞ্চলত এৰি দিয়ে ।