ধুবুৰী জিলাৰ তামাৰহাট বজাৰৰ নিচেই কাষত আজি সংঘটিত হয় এক ভয়ংকৰ দুৰ্ঘটনা । তথ্য অনুসৰি ঘটনাটোত কোনো লোক হতাহত হোৱা নাই।
দৈবক্ৰমে দুৰ্ঘটনাত প্ৰাণ ৰক্ষা পৰে তিনিজন লোকৰ । এখন এম্বুলেন্স আৰু চুইফট ডিজাৰৰ মুখামুখি সংঘৰ্ষত দুয়োখন বাহনৰ বিস্তৰ ক্ষতি সাধন হয়।
AS25EC -৯৮৯২ নম্বৰৰ এম্বুলেন্সখন ধুবুৰীৰ পৰা ৰোগী লৈ তামাৰহাট আহে। ৰোগী নমাই পুনৰ ধুবুৰী অভিমুখে গৈ থকা সময়ত বিপৰীত দিশৰ পৰা অহা AS01EM – ৪৬০৪ নম্বৰৰ চুইফট ডিজাৰৰ স’তে মুখামুখি সংঘৰ্ষ হয়।
ফলত দুয়োখন গাড়ীৰ ক্ষতি সাধন হয় যদিও চুইফট ডিজাৰত থকা থকা লোক সকলে কথমপি ৰক্ষা পৰে। ইয়াৰ ভিতৰত এটি শিশু আছিল।