দেশজুৰি দৈনিক ক’ভিড সংক্রমণৰ সংখ্যা পুনৰ ঊর্ধ্বমুখী । বিগত ২৪ ঘণ্টাত ভাৰতত কৰ’না আক্রান্ত হয় ২,৩৮০ জন । বুধবাৰে আক্রান্তৰ সংখ্যা আছিল ২,০৬৭ জন । মৃতের সংখ্যাও বৃদ্ধি পাইছে । কেন্দ্রীয় স্বাস্থ্য মন্ত্রণালয়ৰ ক’ভিড বুলেটিন অনুযায়ী বৃহস্পতিবাৰে কৰ’না আক্রান্ত হৈ দেশত ৫৬ জনৰ মৃত্যু হৈছে ।
ইয়াৰ ভিতৰত কেৰালাত ৫৩ জন আৰু দিল্লী, উৰিষ্যা আৰু ও মিজোৰামত এজনকৈ আক্রান্তৰ মৃত্যু হৈছে । এদিন আগতে, অর্থাৎ বুধবাৰে ক’ভিডত আক্রান্ত হৈ মৃত্যু হৈছিল ৪০ জনৰ । ৰাজধানীৰ অৱস্থা শোচনীয় ।
যোৱা ২৪ ঘণ্টাত দিল্লীত কৰ’না আক্রান্তৰ সংখ্যা বৃদ্ধি পাইছে প্রায় ৬০ শতাংশ । নতুনকৈ ১,০৯৩ জন আক্রান্ত হৈছে । বৃহস্পতিবাৰে দেশৰ দৈনিক সংক্রমণৰ হাল বাঢ়ি হ’ল ০.৩১ শতাংশ ।
দেশত সম্প্ৰতি দৈনিক কৰ’না আক্রান্তৰ সংখ্যা ১৩ হেজাৰ ৪৩৩ । বুধবাৰে এই সংখ্যা আছিল ১২,৩৪০ । দৈনিক সংক্রমণৰ শীর্ষত আছে দিল্লী । ইয়াৰ পাছত আছে কেৰালা (৩৫৫), হৰিয়ানা (৩১০) আৰু উত্তৰ প্রদেশ (১৬৮) । সমগ্ৰ দেশত এই পর্যন্ত মুঠ ১৮৭ কোটি সাত লাখ আঠ হেজাৰ ১১১ কৰ’নাৰ টিকাকৰণ হৈছে ।