পাকিস্তানৰ কৰাচি বিশ্ববিদ্যালয়ত গাড়ী বিস্ফোৰণত চাৰিজন নিহত । আহতৰ সংখ্যা একাধিক । এটা সূত্র উদ্ধৃত কৰি সংবাদ মাধ্যমে জনাইছে, মৃতসকলৰ ভিতৰত তিনিজন চীনা নাগৰিকো আছে ।
স্থানীয় সংবাদমাধ্যম সূত্রে খবৰ, বিশ্ববিদ্যালয় চৌহদত এখন গাড়ীত বিস্ফোৰণ ঘটে । স্থানীয় সময় বিয়লি দুই বাজি ৩০ মিনিটত বিশ্ববিদ্যালয়ৰ কনফিউচিয়াছ ইনষ্টিটিউটৰ সন্মুখত সেই বিস্ফোৰণ হৈছে । বিস্ফোৰণৰ খবৰ পায়েই ঘটনাস্থলত উপস্থিত হয় আৰক্ষী আৰু উদ্ধাৰকাৰী দল । আহতসকলক উদ্ধাৰ কৰি হাস্পতাললৈ লৈ যোৱা হৈছে ।
Blast in Karachi University. 2 Chinese national among the 4 dead, several critically injured pic.twitter.com/aEJotmhgP2
— Murtaza Ali Shah (@MurtazaViews) April 26, 2022
আৰক্ষী সূত্রে খবৰ, যিখন গাড়ীত বিস্ফোৰণ হৈছে তাত সাত-আঠজন লোক আছিল । অৱশ্যে কিমানজনৰ মৃত্যু হৈছে সেই সংখ্যা এতিয়াও স্পষ্ট নহয় ।
উল্লেখ্য মৃতকৰ সংখ্যা বৃদ্ধি পাব পাৰে বুলি শংকা কৰা হৈছে । কৰাচি আৰক্ষীৰ ডিআইজি মুকাদ্দাছ হায়দাৰে জনাইছে, এখন বগা গাড়ীত কিছুসংখ্যক লোক হোষ্টেলৰ পৰা কনফিউচিয়াছ ইনষ্টিটিউটৰ দিশে গৈছিল । বিশ্ববিদ্যালয়ত প্ৰৱেশ কৰাৰ লগ লগেই বিস্ফোৰণ হয় । কেনেদৰে বিস্ফোৰণ হ’ল তাৰ পৰ্যবেক্ষণ কৰা হৈছে বুলি তেওঁ জনাইছে ।