শ্রীলংকাত শাসক দলৰ এজন এমপি-ৰ গণৰোষত মৃত্যুৰ পাছত এইবাৰ জ্বলাই দিয়া হ’ল আন এজন এমপি আৰু প্রাক্তন মন্ত্রীৰ বাসগৃহ । শ্রীলংকাৰ স্থানীয় সংবাদমাধ্যম মাৰফত প্রকাশ্যত অহা ভিডিঅ’ত মাউন্ট লাফিনিয়াত দেশৰ প্রাক্তন মন্ত্রী জনছন ফার্নাণ্ডোৰ বাসগৃহ জ্বলা দেখা গৈছে । শ্রীলংকাত আইনসভাত শাসক দলৰেই সদস্য সনৎ নিশান্তৰ আবাসগৃহতো বিক্ষোভকাৰীসকলে আক্রমণ কৰি জুই জ্বলাই দিছে বুলি অভিযোগ ।
বিগত কে’বা মাহ ধৰি অর্থনৈতিক সংকটত যুঁজি থকা শ্রীলংকাত প্রবল বিক্ষোভৰ সন্মুখীন হৈ সোমবাৰে প্রধানমন্ত্রীৰ পদৰ পৰা পদত্যাগ দিলে মাহিন্দা ৰাজাপক্ষেই । তেওঁৰ পদত্যাগৰ পাছতেই অমৰকীর্তি আতুকোহালা নামে শাসক দলৰ এজন এমপি-ৰ মৃত্যু হয় গণৰোষত ।
Minister Ramesh Pathirana's house in Galle destroyed pic.twitter.com/jqAXeMqrnX
— NewsWire 🇱🇰 (@NewsWireLK) May 9, 2022
শ্রীলংকাৰ স্থানীয় সংবাদমাধ্যম সূত্রে খবৰ, বিক্ষোভত গাড়ী আবদ্ধ হৈ যোৱাত তেওঁ বিক্ষোভকাৰীসকলক লক্ষ্য কৰি গুলি চলাইছিল । ইয়াৰ পাছতেই তেওঁৰ দেহ উদ্ধাৰ হয় ।
The house of Government MP Sanath Nishantha who led a mob to attack Galle Face protesters completely destroyed pic.twitter.com/p1PpaGOgE2
— NewsWire 🇱🇰 (@NewsWireLK) May 9, 2022
এই খবৰক লৈ হুলস্থূলীয়া পৰিৱেশৰ সৃষ্টি হোৱাৰ সময়তে এমপি সনৎ আৰু প্রাক্তন মন্ত্রী জনছনৰ বাসগৃহত বিক্ষোভকাৰীসকলৰ আক্রমণৰ খবৰ প্রকাশ্যত আহিল । স্থানীয় সংবাদমাধ্যমৰ দাবী, ৰাজাপক্ষেই পদত্যাগ কৰাৰ পাছতেই দেশৰ বিভিন্ন স্থানত শান্তিপূর্ণ বিক্ষোভকাৰীসকলৰ ওপৰত আক্রমণ চলায় শাসকদলৰ কর্মচাৰী-সমর্থকসকলে । ইয়াৰ পাছতেই আক্ৰমণমুখী হৈ শাসকদলৰ নেতাসকলৰ ওপৰত আক্ৰমণ চলোৱা আৰম্ভ কৰে বিক্ষোভকাৰীসকলে ।