এতিয়াও সম্পূৰ্ণৰূপে শেষ হোৱা নাই ক’ভিডৰ আতংক । ইয়াৰ মাজতে, আন এটা বিৰল ভাইৰাছৰ সন্ধান পোৱা গ’ল মানৱ শৰীৰত। ইংলেণ্ডৰ এজন বাসিন্দা আক্ৰান্ত হৈছে ‘মাঙ্কি পক্স’ নামৰ এক বিৰল ভাইৰাছৰ দ্বাৰা ।
অনুষ্ঠানিকভাৱে এই ঘটনাটো সত্যতা প্ৰকাশ কৰিছে স্বীকাৰ কৰিছে ব্ৰিটেইনৰ স্বাস্থ্য বিভাগে । সম্প্ৰতি আক্ৰান্ত হোৱা লোকজন নাইজেৰিয়ালৈ গৈছিল। তাতে কোনো প্ৰকাৰে তেওঁ এই ভাইৰাছত আক্ৰান্ত হৈছে বুলি বিশেষজ্ঞসকলে অনুমান কৰিছে ।
এই ভাইৰাছটো সংক্ৰামক। নাক-মুখৰ চকুৰ লগতে, ভাইৰাছটো সংক্ৰমিত লোকৰ কাপোৰৰ পৰাও সংক্ৰমিত হ’ব পাৰে।
কি এই ‘মাঙ্কি পক্স’ ?
বিশেষজ্ঞসকলে কৈছে যে এইটো এটা বিশেষ ধৰণৰ বসন্ত। জলবসন্ত বা গুটিবসন্তৰ প্ৰতিকাৰ থাকিলেও এই ভাইৰাছটো ইমান বিৰল যে এতিয়ালৈকে চিকিৎসকসকলে এই ভাইৰাছৰ দ্বাৰা প্ৰভাৱিত লোকসকলক আৰোগ্য কৰাৰ বাবে কোনো নিৰ্দিষ্ট চিকিৎসা পদ্ধতি নাজানে।
ভাইৰাছটো মুখ্যতঃ পশ্চিম আৰু মধ্য আফ্ৰিকাৰ কিছুমান দেশত পোৱা যায়। যদিও নামটো হৈছে ‘মাঙ্কি পক্স’, ভাইৰাছটো একাধিক বন্যপ্ৰাণীৰ জৰিয়তে বিয়পিব পাৰে। দৰাচলতে, ই সচৰাচৰ নিগনিৰ জৰিয়তে বিয়পে।
বিশেষজ্ঞসকলে কয় যে ভাইৰাছৰ দ্বাৰা আক্ৰান্ত লোকসকলৰ শৰীৰৰ প্ৰাৰম্ভিক লক্ষণবোৰৰ ভিতৰত আছে জ্বৰ, মুৰৰ বিষ, পিঠি আৰু ডিঙিৰ বিষৰ দৰে লক্ষণ। কঁপনি আৰু ভাগৰুৱাও হ’ব পাৰে।
ইয়াৰ পাছত, শৰীৰৰ বিভিন্ন শিৰৰ গ্ৰন্থি ফুলি যায়। মুখত সৰু দাগ দেখা যায়। লাহে লাহে গোটেই শৰীৰত বিয়পি পৰে। বিশেষজ্ঞসকলে দাবী কৰে যে আক্ৰান্তৰ ব্যক্তিজনৰ ওচৰত থাকে, সংক্ৰমণৰ আশংকা বৃদ্ধি হ’ব পাৰে।
ভাইৰাছটো শ্বাসনলী, নাক, মুখ বা চকুৰ জৰিয়তে স্বাস্থ্যৱান ব্যক্তি এজনৰ শৰীৰত প্ৰৱেশ কৰিব পাৰে। আক্ৰান্ত হোৱা লোকে ব্যৱহাৰ কৰা কাপোৰৰ পৰাও সংক্ৰমণ বিয়পিব পাৰে।
ইংলেণ্ডৰ স্বাস্থ্য বিভাগৰ মতে, চিকিৎসালয়ত ভৰ্তি হোৱাৰ আগতে মানুহজন কাৰ সংস্পৰ্শলৈ আহিছিল তাক বিচাৰি উলিওৱাৰ প্ৰক্ৰিয়া ইতিমধ্যে আৰম্ভ হৈছে। ৰোগীজন বৰ্তমান সংক্ৰামক ৰোগৰ বাবে বিশেষভাৱে নিৰ্মিত এটা বিভাগত চিকিৎসাধীন হৈ আছে।