দক্ষিণ ইৰাকৰ এৰিদু চহৰৰ এটা পুৰাতাত্ত্বিক অঞ্চলৰ পৰা ১২টা শিল আৰু প্রাচীন পাত্রৰ ভঙা অংশ নিজৰ দেশত লৈ যোৱাৰ পৰিকল্পনা কৰিছিল অৱসৰপ্রাপ্ত এজন ব্রিটিছ ভূতত্ত্ববিদে । সেই অভিযোগত মৃত্যুদণ্ড ঘোষণা কৰা হৈছে তেওঁক । একেই অৱস্থা হৈছে এজন জার্মান পর্যটকৰো ।
সংবাদমাধ্যম সূত্রে খবৰ, অভিযুক্ত ৬৬ বছৰ বয়সৰ ভূতত্ত্ববিদজনৰ নাম জিম ফিটন । তেওঁ আৰু ফলকাৰ ৱাল্ডমান নামৰ এজন জার্মান পর্যটক এটা পুৰাতাত্ত্বিক আৰু ভূবৈজ্ঞানিক ভ্ৰমণত আহিছিল । তাৰ পৰাই এই সমস্ত সামগ্ৰী সংগ্রহ কৰে তেওঁলোকে ।
যোৱা ২০ মার্চত দেশত উভতাৰ সময়ত বিমানবন্দৰত ধৰা পৰে দুয়োজন । তাৰ পৰাই তেওঁলোকক আটক কৰা হয় । যোৱা ১৫ মে’ত তেওঁলোকৰ গোচৰৰ শুনানি হয় । বিচাৰকৰ আগত তেওঁলোকে জনায়, তেওঁলোক ইৰাকৰ আইন সম্পর্কত অৱগত নাছিল । নিতান্ত উপহাৰ হিচাপে শিল আৰু ভঙা পাত্রৰ অংশ সংগ্রহ কৰিছিল ।
ফিটন আৰু ৱাল্ডমানৰ মৃত্যুদণ্ডৰ বিৰুদ্ধে প্রতিবাদ আৰম্ভ কৰিছে মানৱাধিকাৰ কর্মকৰ্তাসকলে ।