বিগত মাহত কংগ্রেছ (Congress) ত্যাগ কৰিছিল । গুজৰাট বিধানসভা নির্বাচনৰ (Gujrat Assembly Election) আগতে দলবদল হার্দিক পেটেলৰ (Hardik Patel) । এইবাৰ বিজেপিত যোগ দিলে পতিদাৰ আন্দোলনৰ নেতাই । দলৰ গুজৰাট ৰাজ্যৰ সভাপতি চি আৰ পেটেলৰ সহযোগত তেওঁ গেৰুৱা শিবিৰত যোগ দিয়ে ।
আজি পুৱাৰ ভাগত হার্দিকে জনায়, তেওঁ কাম কৰিবৰ বাবে বিজেপিত যোগ দিছে । কয়, ‘আজি মই এটা নতুন অধ্যায় আৰম্ভ কৰিছো । এজন সৈনিক হিচাপে কাম কৰিম । মই কেতিয়াও কোনো পদৰ বাবে দাবী জনোৱা নাই কাকো । কাম কৰিবৰ বাবে বিজেপিত যোগ দিছো ।’
তেওঁৰ সংযোজন, দেশজুৰি যি উন্নয়নযজ্ঞ চলিছে, সেয়া সম্ভৱ হৈছে প্রধানমন্ত্রী নৰেন্দ্র মোদীৰ নেতৃত্বত । মই তাত অন্তৰ্ভুক্ত হোৱাৰ সিদ্ধান্ত লৈছো । সমগ্ৰ বিশ্বৰ গর্ব প্রধানমন্ত্রী ।
কংগ্রেছ ত্যাগ :
সম্প্রতি কংগ্রেছ (Congress) ত্যাগ কৰিছে হার্দিক পটেলে (Hardik Patel) । কেৱল দলত্যাগেই নহয়, বিদায়বেলাত ৰাহুল গান্ধীকো তীব্র কটাক্ষ কৰে গুজৰাটৰ পতিদাৰ আন্দোলনৰ নেতাই । ছোনিয়া গান্ধীলৈ লিখা পদত্যাগপত্রত হার্দিকে লিখে, ‘কংগ্রেছ নেতৃত্বই ম’বাইল ফোনত মুখ গুঁজাতেই ব্যস্ত । গুজৰাটৰ কংগ্রেছ নেতাসকলে তেওঁলোকৰ মুখত চিকেন ছেণ্ডউইচৰ যোগান দিয়ে ।’
অৱশ্যে দলৰ অন্তৰ্ৱতী সমস্যাৰ বাবে নহয়, বিধানসভা নির্বাচনৰ (Gujarat Assembly Election 2022) আগতে নিজৰ স্বার্থসিদ্ধি কৰিবলৈ, পৰিকল্পনা মতেই হার্দিকে এনে সিদ্ধান্ত লৈছে বুলি দাবী কৰে কংগ্রেছে । আনকি ছোনিয়ালৈ লিখা হার্দিকৰ পদত্যাগপত্রত বিজেপি-ৰেই কথা প্রতিফলিত হৈছে বুলি দাবী কৰে দলৰ নেতাসকলে । ইয়াত অৱশ্যে কোনো আচৰিত নহয় । কাৰণ, তলে তলে হার্দিকে বহুদিন ধৰিয়ে বিজেপি-ৰ স’তে যোগাযোগ ৰাখিছে, বুলি তেওঁলোকে ধাৰণা কৰিছিল ।