একাগ্ৰতা থাকিলে হেজাৰো প্ৰতিকূলতাক নেওচি নিজৰ সাফল্য অনাটো যে কঠিন নহয় সেয়া প্ৰমাণ কৰি দেখুৱালে গোসাঁইগাঁও মহকুমাৰ অতিকৈ পাছপৰা অঞ্চল চাওতাল কলোনীৰ এগৰাকী ছাত্ৰীয়ে। কালি ঘোষিত হাইস্কুল শিক্ষান্ত পৰীক্ষাত গোসাঁইগাঁও মহকুমাৰ চাওতাল কলোনীৰ ঠাকুৰপুৰ গাঁৱৰ বাসিন্দা তথা লয়লা ইংলিছ মেডিয়াম স্কুলৰ ছাত্ৰী অঞ্জালী মাৰ্ডীয়ে ৫৫৯ (৯৩,০৫ %) নম্বৰ লাভ কৰি উত্তীৰ্ণ হৈ চাওতাল জনগোষ্ঠীৰ মাজত এক অভিলেখ সৃষ্টি কৰিছে।ছাত্ৰী গৰাকীৰ এই সফলতাই সমগ্ৰ অঞ্চলৰ গৌৰৱ কঢ়িয়াই অনাৰ লগতে শৈক্ষিক-আৰ্থিক দিশত পিছুৱাই থকা চাওতাল জনগোষ্ঠীৰ মাজত এক অনুপ্ৰেৰণাৰ সৃষ্টি কৰিছে বুলি সদৌ চাওতাল ছাত্ৰ সন্থাৰ কেন্দ্ৰীয় সম্পাদক ৰিমন চাকু চৰেনে মন্তব্য কৰে। অতিকৈ পাছপৰা অঞ্চলৰ বাসিন্দা তথা দৰিদ্ৰতাৰ লগত যুদ্ধ কৰি জিয়াই থকা পৰিয়ালৰ এই গৰাকী মেধাৱী ছাত্ৰীৰ আই এ এছ বিষয়া হোৱাৰ সপোন বাস্তৱায়িত কৰাৰ বাবে অসমৰ মুখ্যমন্ত্ৰী, শিক্ষা মন্ত্ৰী তথা বিটিচিৰ মুৰব্বীৰ হস্তক্ষেপ বিচাৰিছে ছাত্ৰ নেতা গৰাকীয়ে। উল্লেখ্য যে ১৯৯৬ চনত বড়ো আৰু আদিবাসীৰ মাজত সংঘটিত গোষ্ঠীগত সংঘৰ্ষৰ সময়ত জাতিটোক ৰক্ষা কৰিবলৈ হাতত মাৰনাস্ত্ৰ তুলি লৈ দীৰ্ঘ দিন সশস্ত্ৰ সংগ্ৰাম চলাই অৱশেষত মূল সুঁতি লৈ ঘুৰি আহি খেতি বাতি কৰি জীৱিকা নিৰ্বাহ কৰা মছে মাৰ্ডী ওৰফে লম্বুৰ একমাত্ৰ কন্যা অঞ্জালীৰ এই সফলতাৰ কৃতিত্ব মাতৃ পুষ্পলতা চৰেনে পিতৃৰ লগতে লয়লা ইংলিছ মেডিয়াম স্কুলৰ শিক্ষক শিক্ষয়িত্ৰী সকলক দিছে।একমাত্ৰ কন্যাৰ ভৱিষ্যত সপোন পূৰণ কৰিবলৈ পিতৃ-মাতৃয়ে যৎপৰোনাস্তি চেষ্টা কৰিব বুলি কয়।চৰকাৰৰ তৰফৰ পৰা সহায় পালে কন্যাৰ আই এ এছ বিষয়া হোৱাৰ সপোন নিশ্চয় বাস্তৱায়িত হ’ব বুলি আশা প্ৰকাশ কৰিছে ছাত্ৰী গৰাকীৰ পিতৃ মাতৃয়ে।
হাইস্কুল শিক্ষান্ত পৰীক্ষাত চাওতাল জনগোষ্ঠীৰ মাজত সৰ্বোচ্চ নম্বৰ লাভ কৰি গৌৰৱ কঢ়িয়াই আনিলে অঞ্জালী মাৰ্ডীয়ে
এই গৰাকী মেধাৱী ছাত্ৰীৰ আই এ এছ বিষয়া হোৱাৰ সপোন বাস্তৱায়িত কৰাৰ বাবে অসমৰ মুখ্যমন্ত্ৰী, শিক্ষা মন্ত্ৰী তথা বিটিচিৰ মুৰব্বীৰ হস্তক্ষেপ বিচাৰিছে
-
By publisher
Related Content
![](https://i0.wp.com/dainikagradoot.in/wp-content/uploads/2024/04/assam-fish.jpeg?resize=120%2C86&ssl=1)
Egg-Laying Fish Are Being Sold in Markets:নিষেধাজ্ঞা সত্ত্বেও ৰাজ্যত বজাৰে বজাৰে বিক্ৰী হৈ আছে কণীযুক্ত মাছ
By
publisher
April 30, 2024
Heat is Scorching The Country:অগ্নিপিণ্ড সদৃশ হৈছে দেশ !
By
publisher
April 30, 2024
Sivsagar L P. School:শিক্ষাৰ্থীৰ অভাৱৰ বাবে শিৱসাগৰত বন্ধ হ'ব ১০৯ খন চৰকাৰী বিদ্যালয়
By
publisher
April 30, 2024
Guwahati - North Guwahati Ferry Service Has Resumed:পুনৰ আৰম্ভ হ'ল গুৱাহাটী - উত্তৰ গুৱাহাটীৰ মাজৰ ফেৰী সেৱা
By
publisher
April 30, 2024
Chhattisgarh 4 Maoists Killed:ছত্তিশগড়ত মাওবাদী আৰু নিৰাপত্তাৰক্ষীৰে তুমুল সংঘৰ্ষ
By
publisher
April 30, 2024
ONGC:দিচাংপানীত অএনজিচিত অঘটন !
By
publisher
April 30, 2024