বিজেপি মুখপাত্র নূপুৰ শর্মাকে লৈ বিতর্কিত ভিডিঅ’ বনাই প্রকাশ্যত ক্ষমা বিচৰাৰ কিছু ঘণ্টাৰ পাছতেই গ্রেপ্তাৰ হ’ল কাশ্মীৰৰ ইউটিউবাৰ ফয়জল ৱানি । শনিবাৰে তেওঁক গ্রেপ্তাৰ কৰিছে জম্মু-কাশ্মীৰ আৰক্ষীয়ে ।
ইউটিউবত নিজৰ চেনেল আছে ফয়জলৰ । গ্রাফিকৰ কামো কৰে তেওঁ । সম্প্রতি এটা গ্রাফিক ভিডিঅ’ তৈয়াৰ কৰে ফয়জলে । তাত নূপুৰৰ ‘মুণ্ডচ্ছেদ’ কৰা দৃশ্য গ্রাফিকত দেখুওৱা হৈছে । সামাজিক মাধ্যমত সেই ভিডিঅ’ বিয়পি পৰাৰ পাছতেই প্রবল সমালোচনাৰ সন্মুখীন হ’বলগীয়া হয় কাশ্মীৰৰ ইউটিউবাৰজনে । অৱশেষত তেওঁৰ এই বিতর্কিত ভিডিঅ’ৰ বাবে তেওঁ প্রকাশ্যত ক্ষমা বিচাৰে ।
শনিবাৰে এটা ভিডিঅ’ প্রকাশ কৰি তেওঁ কয়, “ভিডিঅ’টো যে জুইৰ দৰে ভাইৰেল হৈ যাব ভবা নাছিলো । কোনো অসৎ উদ্দেশ্যৰে, কাৰোবাক আঘাত কৰিবৰ বাবে ভিডিঅ’টো বনোৱা নাই । এই ঘটনাত কোনোৱে আঘাত পালে মই ক্ষমাপ্রার্থী ।” ফয়জলে জনায়, ভিডিঅ’টো তেওঁ মছি পেলাইছে ।
ভিডিঅ’টো মছিও ৰক্ষা নপৰিল ফয়জল । গ্রেপ্তাৰ হ’ল জম্মু-কাশ্মীৰ আৰক্ষীৰ হাতত ।
