‘অগ্নিপথ’ প্রকল্পত চুক্তিভিত্তিক সেনা নিয়োগৰ প্রতিবাদত অগ্নিগর্ভ বিহাৰ । বিক্ষোভ অব্যাহত আছে বিহাৰৰ বিভিন্ন প্রান্তত । ছপৰাত এখন ৰেলত আগুন লগাই দিয়ে বিক্ষোভকাৰীসকলে । এখন বাছতো জুই লগাই দিয়ে বুলি অভিযোগ উঠিছে । এনে পৰিস্থিতিত ২২খন ট্রেইন বাতিল কৰা হৈছে । আনহাতে, ছখন ৰেলৰ গতিপথ সলনি কৰা হৈছে ।
বাতিল কৰা হৈছে ১৩২৫০ ভভুৱা ৰোড-পটনা এক্সপেছ, ১২৫৬৭ ছহৰছা-পটনা এক্সপ্রেছ, ১২৫৬৮ পটনা-ছহৰছা এক্সপ্রেছ, ১৫২৮৩ মণিহাৰী-জয়নগৰ এক্সপ্রেছ, ০৩২০৩ পটনা-ডিডিইউ মেমু পেছেঞ্জাৰ স্পেচিয়েল, ০৩২২৭ দানাপুৰ-ৰঘুনাথপুৰ মেমু পেছেঞ্জাৰ স্পেচিয়েল, ০৩২৭৮ ৰঘুনাথপুৰ-পটনা মেমু পেছেঞ্জাৰ স্পেচিয়েল, ০৫২৪৩ ছহৰছা-সমস্তিপুৰ পেছেঞ্জাৰ স্পেচিয়েল, ০৫২৭৫ ছহৰছা-সমস্তিপুল পেছেঞ্জাৰ স্পেচিয়েল, ০৫২২১ ছহৰছা-সমস্তিপুৰ পেছেঞ্জাৰ স্পেচিয়েল, ০৫২৭৮ সমস্তিপুৰ-ছহৰছা পেছেঞ্জাৰ স্পেচিয়েল, ০৫৫১১ সমস্তিপুৰ-সোনপুৰ পেছেঞ্জাৰ স্পেচিয়েল, ০৫২৫৭ মুজফ্ফৰপুৰ নৰকটিয়াগঞ্জ পেছেঞ্জাৰ স্পেচিয়েল, ০৩৩৭৩ পটনা-গয়া পেছেঞ্জাৰ স্পেচিয়েল, ০৩৩৪০ গয়া-পটনা পেছেঞ্জাৰ স্পেচিয়েল, ০৩৩৬৫ পটনা-গয়া পেছেঞ্জাৰ স্পেচিয়েল, ০৩৩৩৮ গয়া-পটনা পেছেঞ্জাৰ স্পেচিয়েল, ০৫৫৪৮ ছহৰছা-লহেৰিয়াসৰাত পেছেঞ্জাৰ স্পেচিয়েল, ০৫৫৪৭ লহেৰিয়াসৰাত-ছহৰছা পেছেঞ্জাৰ স্পেচিয়েল, ০৫২৮৭ মুজফ্ফৰপুৰ-ৰক্সৌল পেছেঞ্জাৰ স্পেচিয়েল, ০৫৫৩৪ জয়নগৰ-দ্বাৰভাঙা পেছেঞ্জাৰ স্পেচিয়েল আৰু ০৫৫৩৩ দ্বাৰভাঙা-জয়নগৰ পেছেঞ্জাৰ স্পেচিয়েল । ইয়াৰ উপৰি দানাপুৰ ডিভিছনত আৰু ছয়খন ট্রেইনৰ পথ সলনি কৰা হৈছে ।
অগ্নিপথ প্রকল্পৰ বিৰোধিতাত বৃহস্পতিবাৰ বক্সাৰ, নৱাদা, ছপৰা, বেগুসৰাই, আৰা, মুংগেৰ, জেহানাবাদৰ দৰে অঞ্চলত বিক্ষোভ আৰম্ভ হৈছে । প্রধানমন্ত্রী নৰেন্দ্র মোদীৰ বিৰুদ্ধে শ্লোগান দিয়া হয় । ৰেলৰ লগতে ৰাষ্ট্ৰীয় পথ অৱৰোধ কৰা হয় । টায়াৰ জ্বলোৱা, শিল দলিওৱা, গাড়ী আৰু ট্রেইন ভঙাৰ দৰে ঘটনাও ঘটিছে । নীতীশ কুমাৰ চৰকাৰৰ আৰক্ষীয়ে বাধা দিয়াত সংঘর্ষ আৰম্ভ হয় বলি খবৰ । লাঠি আৰু কন্দোৱা গেছত বহু কেইজন বিক্ষোভকাৰী আহত হৈছে আৰা আৰু জেহানাবাদত ।
উল্লেখ্য, যোলা মঙলবাৰে অগ্নিপথ প্রকল্পল ঘোষণা কৰে কেন্দ্রীয় প্রতিৰক্ষামন্ত্রী ৰাজনাথ সিঙে । এই প্রকল্পত চাৰে ১৭-২১ বছৰৰ যুৱক-যুৱতীসকলে চাৰি বছৰৰ বাবে মাহিলী ৩০-৪৫ হেজাৰ টকাৰ চুক্তিৰ ভিত্তিত সশস্ত্র বাহিনীৰ তিনি শাখাত (স্থল, নৌ আৰু বায়ুসেনা) যোগ দিব পাৰিব । তেওঁলোকক কোৱা হ’ব ‘অগ্নিবীৰ’ ।
সেনাত শূন্যপদ আৰু যোগ্যতাৰ ভিত্তিত চতুর্থ বছৰৰ শেষত সেই বেচৰ সর্বাধিক ২৫ শতাংশ অগ্নিবীলক সেনাত অন্তর্ভুক্ত কৰা হ’ব । বাকীসকলক ১১-১২ লাখ টকা দিয়া হ’ব অৱসৰত । পেনছনৰ ব্যৱস্থা নাথাকিব ।