বাগসাৰ শালবাৰীৰ খাৰিজা বিজনীৰ বাৰাপেটা নেপালীবস্তীত আজি আবেলি পাঁচ বজাত এক ভয়ংকৰ পথ দুৰ্ঘটনা সংঘটিত হয় ৷ নিয়ন্ত্ৰণ হেৰুৱাই দ খাৱৈত সোমাই যায় AS01 DZ 3002 নম্বৰৰ এখন বেলেন’ বাহন ৷
বাগসাৰ চুক্ৰুংবাৰীৰ পৰা বৰপেটাৰোড অভিমুখে গৈ আছিল বাহনখন ৷ তেনে সময়তেই নিয়ন্ত্ৰণ হেৰুৱাই পথৰ কাষত থকা এটা দ খাৱৈত সোমাই যায় বাহনখন ৷ তাৰ পাছতেই খাৱৈটোত প্ৰায় সম্পূৰ্ণৰূপে ডুব যায় বাহনখন ৷ সৌভাগ্যক্ৰমে ৰক্ষা পৰে বাহনখনত থকা তিনি আৰোহী ৷
স্থানীয় লাৱদাংগুৰী আৰক্ষী আৰু স্থানীয় ৰাইজৰ সহযোগত উদ্ধাৰ কৰা হয় বাহনখন ৷ এখন JCB বাহনেৰে টানি দ খাৱৈৰ পৰা উদ্ধাৰ কৰা বাহনখন লাৱদাংগুৰী আৰক্ষী চকীলৈ লৈ যায় আৰক্ষীয়ে ৷