অসমৰ পৰস্পৰাগত খেলসমূহৰ অন্যতম জনপ্ৰিয় খেল হৈছে নাওখেল ৷ আজি ব্যাপক উলহমালহেৰে অনুষ্ঠিত হৈ আহিছে এই নাওখেল ৷ দক্ষিণ কামৰূপৰ সোণতলীৰ জাওকাটা কুলহীৰ পাৰ বজাৰ পাৰঘাটত আজি অনুষ্ঠিত হৈছে হয় এখনি আকৰ্ষণীয় নাওখেল প্ৰতিযোগিতা ৷
অইন অইন বছৰৰ দৰে এইবেলিও জাওকাটা বজাৰ ক্লাবৰ উদ্যোগত অনুষ্ঠিত হৈছে নাওখেল প্ৰতিযোগিতা ৷ প্ৰতিযোগিতাত অংশগ্ৰহণ চাৰিখনকৈ প্ৰতিযোগী নাৱৰ । জাওকাটা বজাৰ ক্লাবৰ সভাপতি জাহাংগীৰ আলমে আঁত ধৰা অনুষ্ঠানত প্ৰতিযোগিতা উদ্বোধন কৰে ৪ নং সোণতলী টুপামাৰী জিলা পৰিষদৰ সদস্য স্বাহজাহান আলীয়ে ৷ কে’বা সহস্ৰাধিক দৰ্শক ৰাইজে উপভোগ কৰে নাওখেল ৷
চূড়ান্ত প্ৰতিযোগিতাত অনুষ্ঠিত হয় ডি এম এক্সপ্ৰেছ আৰু ৰাজমাতা নাওৰ মাজত ৷ উত্তেজনাপূৰ্ণ প্ৰতিযোগিতাত বকোৰ দুৰামাৰী-মালিবাৰীৰ ৰাজমাতা নাওখনে ২-০ ছেটৰ ব্যৱধানত চূড়ান্ত বিজয়ীৰ সন্মান অৰ্জন কৰে ৷