দুখন ভৰিও নাই ! দুহাততেই ভৰ কৰি ১৫ হেজাৰ ফুট উখ পাহাৰ বগালে পঞ্জাৱৰ ভগৱান সিঙে । তেওঁৰ গন্তব্যস্থল আছিল উত্তৰাখণ্ডৰ হেমকুণ্ড । শনিবাৰে হেমকুণ্ড যাত্ৰা কৰে তেওঁ ।
সুস্থ-সবল লোকেই পাহাৰ বগাওঁতে ফোপাই যায়, কিন্তু ভগৱানে দুহাতৰ বলতেই এই উচ্চতাত উঠিছে । ৪০ বছৰীয়া ভগৱান লুধিয়ানাৰ বাসিন্দা । যোৱা ১৯ জুলাইত হেমকুণ্ড উদ্দেশ্যি ৰাওনা হয় । তেওঁৰ এই আত্মবিশ্বাসক কুর্নিশ জনাইছে অনেকেই ।
Hemkund Yatra इसे भक्ति कहें या हौसला, पंजाब निवासी भगवान सिंह सबके लिए नजीर बन गए हैं। वह हाथों के सहारे 15 हजार फीट की ऊंचाई पर स्थित हेमकुंड पहुंच गए। देखें वीडियो#HemkundYatra, #UttarakhandNews pic.twitter.com/U7hduy9a56
— Sunil Negi (@negi0010) July 24, 2022
ভগৱানে জনাইছে, তেওঁ অন্য সুস্থ-সবল মানুহৰ দৰেই আছিল । কিন্তু কিছু বছৰ আগতে ৰেল দুর্ঘটনাত তেওঁৰ ভৰি কটা যায় । অৱশ্যে প্রাণ ৰক্ষা পৰে । ভগৱানে এক সংবাদমাধ্যমক জনাইছে, শাৰীৰিক প্রতিবন্ধকতাৰ বাবে তেওঁক পৰিয়ালবৰ্গই অকলে এৰিব বিচৰা নাছিল । কিন্তু তেঁৱো আকোঁৰগোজ । হেমকুণ্ড গ’লে অকলেই যাব সিদ্ধান্ত লয় । অবশেষত তেওঁৰ জিদত হাৰ মানিবলগীয়া হয় পৰিয়ালে ।
ভগৱানে কয়, “এই ভ্ৰমণৰ সময়ত কেতিয়াও অনুভৱ হোৱা নাছিল যে, মোৰ ভৰি নাই । মনৰ শক্তি আৰু আত্মবিশ্বাসেই মোক ইমান দূৰ টানি লৈ আহিছে ।”