৪০ দিনীয়া উৎকণ্ঠাৰ অন্ত পেলাই মহাৰাষ্ট্ৰৰ একনাথ সিন্দে চৰকাৰৰ ১৮ জনকৈ কেবিনেট মন্ত্ৰীয়ে মঙলবাৰে শপত গ্ৰহণ কৰে। সিন্দে কেবিনেটত শিৱসেনা সিন্দে গোটৰ পৰা ন জনৰ বিপৰীতে বিজেপিৰ পৰা ন জন মন্ত্ৰীয়ে লয় শপত ৷ ইয়াৰ লগে লগে মুখ্যমন্ত্ৰীকে ধৰি সিন্দে মন্ত্ৰীসভাৰ মুঠ মন্ত্ৰীৰ সংখ্যা বৃদ্ধি পালে ২০ জনলৈ।
শিৱসেনাৰ পৰা কেবিনেটত স্থান পোৱা কেইগৰাকী হৈছে- গুলাব্ৰাও পাটিল, আৰু সঞ্জয় ৰাথোড়। দাদা ভুছে, উদয় সামন্ত, সন্দীপন ভুমাৰে, দীপক কেচৰকাৰ, শম্ভুৰাজ দেশাই, আব্দুল সাত্তাৰ, তানাজী সাৱন্ত ৷ আনহাতে, বিজেপিৰ পৰা মন্ত্ৰীত্ব লাভ কৰা বিধায়ক কেইজন হ’ল আসন পোৱা অতুল চেভ,সুৰেশ খাদেসুধীৰ মুংগন্তিৱাৰ, চন্দ্ৰকান্ত পাটিল, গিৰীশ মহাজন, ৰাধাকৃষ্ণ ভিখে পাটিল, বিজয় কুমাৰ গাভিট, ৰবীন্দ্ৰ চৱন, মংগল প্ৰভাত লোধা ৷
উল্লেখ্য যে নতুন কেবিনেট গঠনৰ পূৰ্বে মুখ্যমন্ত্ৰী আৰু উপ-মুখ্যমন্ত্ৰী হিচাপে ৩০ জুনত শপত লৈছিল একনাথ সিন্দে আৰু দেবেন্দ্ৰ ফাড়নাবিছে ৷