নীতিশ কুমাৰ নেতৃত্বাধীন আৰ জে ডি আৰু জেডিইউ মহাজোঁটবন্ধন চৰকাৰৰ মন্ত্ৰীসভাৰ আজি সম্প্ৰসাৰণ কৰা হয়৷ ৩১জনকৈ মন্ত্ৰীয়ে লয় শপত ৷ পাটনাৰ ৰাজভৱনত অনুষ্ঠিত এক গাম্ভীৰ্যপূৰ্ণ শপন গ্ৰহণ অনুষ্ঠানত আৰ জেডি ৰ ১৬, জেডি ইউ ১১, প্ৰাক্তন মুখ্যমন্ত্ৰী জীতেনৰাম মাঝিৰ হিন্দুস্থান আৱাম মৰ্চা দুজন,কংগ্ৰেছৰ দুজন আৰু দুজন নিৰ্দলীয় সহ ৩১জন বিধায়কে মন্ত্ৰী ৰূপে শপত লয় ।
শপত বাক্য পাঠ কৰায় ৰাজ্যপাল ফাগু চৌহানে৷ শপত লোৱা ২৩কেবিনেট মন্ত্ৰীৰ ভিতৰত লালু প্ৰসাদ যাদৱৰ জ্যেষ্ঠ পুত্ৰ তেজ প্ৰতাপ যাদৱে স্হান পায় ৷ তেওঁক দিয়া হয় পৰিবেশ আৰু বন সহ কেইবাটাও গুৰুত্বপূৰ্ণ বিভাগ ৷
উল্লেখযোগ্য যে বিজেপি নেতৃত্বাধীন এন ডি এ লগত সম্পৰ্ক ছেদ কৰি নিতীশ কুমাৰে আৰজে ডি,কংগ্ৰেছ, বাঁও মৰ্চা,হামৰ সৈতে মিলিত হৈ ন আগষ্টত গঠন কৰে মহাজোঁটবন্ধন৷ ১০আগষ্টত মহাজোঁটবন্ধনৰ নেতা হিচাপে অষ্টমবাৰৰ বাবে বিহাৰৰ মুখ্যমন্ত্ৰী ৰূপে শপত লয়৷উপ- মুখ্যমন্ত্ৰী হিচাপে শপত লয় আৰজে ডি বিধায়িনী দলপতি তথা লালু প্ৰসাদৰ দ্বিতীয় পুত্ৰ তেজস্বী যাদৱে ৷
বিহাৰ বিধানসভাৰ বিশেষ অধিবেশন অনুষ্ঠিত হ’ব ২৪ আগষ্টত৷ এই অধিৱেশনতে নিতীশ কুমাৰ নেতৃত্বাধীন চৰকাৰে সংখ্যাগৰিষ্ঠতা দেখুৱাব ৷
আজি শপত লোৱা ২৩ কেবিনেট মন্ত্ৰী সকল হ’ল বিজয় কুমাৰ চৌধুৰী, বিজেন্দ্ৰ প্ৰসাদ যাদৱ, আলোক কুমাৰ মেহতা,তেজ প্ৰতাপ সিং, অফাক আলম,অশোক চৌধুৰী,শ্ৰৱন কুমাৰ, সুৰেন্দ্ৰ কুমাৰ যাদৱ, ড:ৰামানন্দ যাদৱ,লচী সিং, মদন চাহনী, কুমাৰ সৰ্বজীত, ললিত কুমাৰ যাদৱ, সন্তোষ কুমাৰ সুমন, সন্জয় কুমাৰ ঝা, শীলা কুমাৰী, সমীৰ কুমাৰ মহাশেঠ, চন্দ্ৰশেখৰ, সুমিত কুমাৰ সিং আৰু অনিতা দেৱী ।