প্ৰধানমন্ত্ৰী বিশেষ সুৰক্ষা গাৰ্ড(এছ পি জি)ত অন্তভুৰ্ক্ত হ’ল দেশীয় কুকুৰ ‘মুঢল’

প্ৰথমবাৰৰ বাবে থলুৱা প্ৰজাতিৰ দেশীয় কুকুৰ ‘মুঢল’অন্তভুৰ্ক্ত কৰা হ’ল প্ৰধানমন্ত্ৰীৰ এচ পি জি ডগ’স্কোৱাডত ৷ ইতিমধ্যে ভাৰতীয় সেনা আৰু বায়ু সেনাত সেৱা আগবঢ়াই আছে কেইবাটাও দেশীয় কুকুৰ মুঢলে ৷
জানিব পৰা মতে থলুৱা প্ৰজাতিৰ দুটা কুকুৰক এছ পি জিত অন্তভুৰ্ক্ত কৰাৰ পিচত দিয়া হৈছে মাৰাথন প্ৰশিক্ষণ ৷ চাৰি মাহৰ কঠোৰ অনুশীলনৰ অন্তত ডগ’স্কোৱাডৰ অংশ হ’ব এই দুটা দেশী কুকুৰ ৷ চলিত বৰ্ষৰ ২৫ এপ্ৰিল মাহত কৰ্ণাটকৰ ‘কেনো গৱেষণা কেন্দ্ৰ আৰু টিমাপুৰ বাগলকোটৰ দুটা কুকুৰ এছ পি জি অন্তভুৰ্ক্ত কৰিছিল ৷
চি আৰ আই চি সঞ্চলক ড:বি এন পঞ্চবুদ্ধই জানিব দিয়া মতে প্ৰথমে তামিলনাডুৰ ৰাজপল্লম আৰু উত্তৰ প্ৰদেশৰ ৰামপুৰিৰ প্ৰজাতিৰ কুকুৰৰ কথা প্ৰথমে চিন্তা কৰা হৈছিল ৷ শাৰীৰিক ক্ষমতা আৰু চিকাৰৰ গুণৰ বাবে দেশীয় কুকুৰ’মুঢল’ক এছ পি জিত অন্তভুৰ্ক্ত কৰাৰ সিদ্ধান্ত গ্ৰহণ কৰা হয় ৷