আজি নিউ দিল্লীত সাহিত্য অকাডেমি কাৰ্যনিৰ্বাহক সভাত ঘোষণা হ’ল এই বৰ্ষৰ সাহিত্য অকাডেমি বঁটা লাভ কৰা লেখক-লেখিকা সকলৰ নাম । সাহিত্য অকিডেমিৰ চেয়াৰপাৰ্চন তথা সভাপতি ড° চন্দ্ৰশেখৰ কামবাৰে এক সংবাদমেল যোগে এই শিতানৰ বাবে মুঠ ২২ গৰাকী লেখক -লেখিকাক এই সাহিত্য অকাডেমি সাহিত্য বঁটা আগবঢ়োৱা কথা জানিবলৈ দিয়ে । জুৰি সদস্য সকলৰ নিৰ্বাচনৰ যোগেদি নিৰ্বাচিত হোৱা সাহিত্য অকাডেমি বাল সাহিত্য পুৰস্কাৰ ২০২২ ৰ বঁটাত এইবাৰ পাঞ্জাৱী ভাষাৰ সাহিত্যই স্থান লাভ নকৰিলে । বিপৰীতে অসমীয়া ভাষাৰ শিশু সাহিত্য সৃষ্টি “ডাঙৰ মানুহৰ সাধু” ৰচনাৰ বাবে দিগন্ত ওজাই লাভ কৰিছে সাহিত্য অকাডেমি শিশু সাহিত্য পুৰস্কাৰ ২০২২ ।
একেদৰে বড়ো ভাষাত “লংৱানি বখালি গথৌ ” উপন্যাসৰ বাবে দেৱৰ ৰামচিয়াৰিয়ে লাভ কৰিছে সাহিত্য অকিডেমিৰ শিশু সাহিত্য পুৰস্কাৰ ২০২২ । একেদৰে অসমীয়া ভাষালৈ সাহিত্য অকাডেমি যুৱ পুৰস্কাৰ ২০২২ ৰ বাবে যুৱ লেখক প্ৰদ্যুম্ন কুমাৰ গগৈয়ে লাভ কৰিছে এই সন্মান । লেখকজনৰ “চকী আৰু অন্যান্য গল্প” শীৰ্ষক গল্প সংকলনৰ বাবে এই সন্মান আগবঢ়োৱা হৈছে । একেদৰে বড়ো ভাষাৰ অন্য এক গল্প সংকলন ” গেং ফুজানাই মাছে দাও” ৰ বাবে বড়ো যুৱ লেখক আলংবাৰ মুছাহাৰীয়ে লাভ কৰিছে এই সন্মান ।
