Kokrajhar কোকৰাঝাৰ আদালতৰ বিশেষ ন্যায়াধীশ জে.কোচৰ বিশেষ আদালতে আজি এটা গুৰুত্বপূৰ্ণ ৰায় প্ৰদান কৰে ৷ ২০১৯ চনৰ জুলাই মাহত এগৰাকী দহ বছৰীয়া কিশোৰী ধৰ্ষণকাৰী ছানিদুল ইছলামক ২০ বছৰৰ সশ্ৰম কাৰাদণ্ডৰ ৰায় প্ৰদান কৰাৰ লগতে দহ হেজাৰ টকাৰ জৰিমনা অনাদায়ে অতিৰিক্ত এমাহৰ কাৰাদণ্ডৰ ৰায় প্ৰদান কৰে ৷
ৰায়দান সন্দৰ্ভত বিশেষ চৰকাৰী অধিবক্তা মনজিৎ ঘোষে সংবাদ মাধ্যমৰ আগত জানিব দিয়ে যে , অভিযুক্ত আচামী ধৰ্ষণকাৰী ছানিদুলে ২০১৯ চনৰ জুলাই মাহৰ সাত তাৰিখে আবেলি প্ৰায় তিনি বাজি পয়ত্ৰিশ মিনিটত ঘৰৰ পিছফালে গৰু চৰাবলৈ যোৱা সময়ত এগৰাকী কিশোৰীক বলপূৰ্বক ধৰ্ষণ কৰিছিল ।
ধৰ্ষণকাৰীৰ বিৰুদ্বে গোসাইগাঁও থানাত পঞ্জীয়ন হোৱা গোচৰ নম্বৰ ২৮৯/১৯ ৰ অধীনত ভাৰতীয় দণ্ডবিধি আইনৰ ধাৰা U/S-376 AB IPC R/W -SEC-4 OF POSCO অনুযায়ী আদালতত বিচাৰ প্ৰক্ৰিয়া চলি আছিল ।ইয়াৰোপৰি কোকৰাঝাৰ আদালততো 48/2019 নম্বৰৰ আন এটা গোচৰ আচামীজনৰ বিৰুদ্বে পঞ্জীয়ন হৈ আছিল ৷ সেই মৰ্মে আজি জে.কোচৰ বিশেষ আদালতে গুৰুত্বপূৰ্ণ ৰায় প্ৰদান কৰে ৷