নিজ গৃহৰ বাগিচাত মাটি খান্দি থকা অৱস্থাত এজন লোকে এটা বিশেষ গোন্ধ পোৱাত ,মাটি খন্দা বন্ধ কৰি ততাতৈয়াকৈ প্ৰত্নতত্ববিদৰ লগত যোগাযোগ কৰে । ইয়াৰপিছতে প্ৰত্নতত্ব বিভাগৰ এটা দলে বাগিচাখনত খনন কাৰ্য চলাই উদ্ধাৰ কৰে ডাইন’চৰৰ এটা কংকাল । দাবী কৰা হৈছে যে এইটোৱেই এইপৰ্যন্ত উদ্ধাৰ হোৱা বিশ্বৰ সবাতোকৈ বৃহৎ আকাৰৰ ডাইন’চৰৰ কংকাল ।
পৰৱৰ্তী সময়ত এই অঞ্চলটোত আৰু খনন কাৰ্য চলোৱা হ’ব বুলি উল্লেখ কৰে বিভাগটোৱে । সংবাদ সংস্থাৰ সূত্ৰই প্ৰকাশ কৰা অনুসৰি, ২০১৭ চনত পৰ্তুগালত এজন লোকৰ বাগিচাত সেই জীৱাশ্মৰ সন্ধান পোৱা যায় আৰু ইয়াৰপিছতে খনন কাৰ্য আৰম্ভ হয় । চলিত আগষ্টৰ আৰম্ভণিতে মধ্য পৰ্তুগালৰ পোম্বল চহৰৰ সমীপত উক্ত লোকজনৰ ঘৰৰ বাগিচাত খননৰ পাছত দেত্যাকাৰ ডাইন’চৰৰ কংকালটো উদ্ধাৰ কৰে পৰ্তুগাল আৰু স্পেইনৰ বিজ্ঞানীৰ এটা দলে । পত্নতাত্বিক সকলৰ মতে ইউৰোপত ইয়াৰ পূৰ্বে ইমান ডাঙৰ ডাইন’চৰৰ কংকাল উদ্ধাৰ হোৱা নাছিল ।
তথ্য অনুসৰি উদ্ধাৰ হোৱা ডাইন’চৰৰ কংকালটো ছৰোপড প্ৰজাতিৰ । অৰ্থাৎ ডাইন’চৰৰ যিমাবোৰ প্ৰজাতি আছে, তাৰভিতৰত ছৰোপডেই হৈছে আটাইতকৈ বৃহত্তম আকাৰৰ ডাইন’চৰ । উদ্ধাৰ হোৱা ডাইন’চৰ কংকালটোৰ দৈৰ্ঘ্য হ’ব ১২ মিটাৰ । উচ্চতা প্ৰায় ২৫ মিটাৰ । প্ৰায় ১৫ কোটি বছৰৰ পূৰ্বে এই প্ৰজাতিৰ ডাইন’চৰে পৃথিৱীত বিচৰণ কৰিছিল। ইফালে লিছবন বিশ্ববিদ্যালয়ৰ বিজ্ঞান বিভাগৰ অধ্যাপক এলিজাবেথ মেলাফাইয়াই কয় যে, ইউৰোপত প্ৰথম এনে বৃহৎ ডাইন’চৰৰ কংকাল উদ্ধাৰ হ’ল । হয়তো বিশ্বতে প্ৰথম এই ঘটনা ।