PASTবিগত পাঁচ বছৰত দেশৰ ভিতৰত মহিলাৰ বিৰুদ্ধে সৰ্বাধিক অপৰাধ হোৱা ৰাজ্য হিচাপে চিহ্নিত হোৱা অসমত আজি পুনৰ এক এচিড আক্ৰমণৰ ঘটনা পোহৰলৈ আহিছে । দৰঙৰ খাৰুপেটীয়া ৰাম নগৰৰ অমৰ ধৰ নামৰ এজন লোকে নিজ পত্নীৰ মুখত এচিড নিক্ষেপ কৰি এই জঘন্য ঘটনা সংঘটিত কৰে । জানিব পৰা মতে ,পাৰিবাৰিক কন্দলৰ বাবেই এইদৰে লোকজনে পত্নীৰ ওপৰত এচিড নিক্ষেপ কৰে । আক্ৰমণত গুৰুতৰভাৱে আঘাতপ্ৰাপ্ত হৈছে উৰ্মিলা ধৰ নামৰ মহিলা গৰাকী ।
বৰ্তমান সংকটজনক অৱস্থাত থকা মহিলা গৰাকীক গুৱাহাটী চিকিৎসা মহাবিদ্যালয় হাস্পাতালত চিকিৎসা প্ৰদান কৰি থকা হৈছে । যোৱা ৩১ আগষ্টত সংঘটিত এই ঘটনাটো ভুক্তভোগী মহিলাগৰাকীৰ পৰিয়ালে দিয়া এজাহাৰৰ পিছতহে পোহৰলৈ আহে । ইতিমধ্যে খাৰুপেটীয়া আৰক্ষীয়ে ধৃত লোকজনক আটক কৰি জেল হাজোতলৈ প্ৰেৰণ কৰিছে ।