ৰাজপথৰ নাম পৰিৱৰ্তন কৰি কৰা হ’ব কৰ্তব্য পথ

ৰাজপথৰ নাম পৰিৱৰ্তন কৰাৰ বাবে ক্ষোভ তৃণমূল সাংসদ মহুৱা মৈত্ৰাৰ । সাংসদ মৈত্ৰাই প্ৰতিষ্ঠিত ৰাজপথৰ নাম পৰিৱৰ্তন কৰি ‘কৰ্তব্য পথ’ কৰাৰ কেন্দ্ৰৰ পৰিকল্পনাৰ কটাক্ষ কৰি টুইট কৰিছে । সাংসদগৰাকীয়ে টুইটত লিখিছে যে প্ৰধানমন্ত্ৰীৰ নতুন চৰকাৰী বাসভৱনৰ নাম ‘কিংকৰ্তব্যবিমূঢ় মঠ’ হ’ব বুলি তেওঁ আশাবাদী । ইয়াৰ অৰ্থ ‘বিবুধিত পৰা মঠ’ ।

ইণ্ডিয়া গেট চি-হেক্সাগনৰ নেতাজি সুভাষ চন্দ্ৰ বসুৰ মুৰ্তিৰ পৰা ৰাষ্ট্ৰপতি ভৱন পৰ্যন্ত এই পথ কৰ্তব্য পথৰ নামে পৰিচিত হ’ব । উল্লেখনীয় যে ইয়াক লণ্ডনৰ কিংছৱেৰ আৰ্হিত ডিজাইন কৰা হৈছিল ।

ব্ৰিটিছ শাসনকালত উক্ত ৰাজপথটো কিংছৱে নামে পৰিচিত আছিল । স্বাধীনতাৰ পাছত ইয়াক ৰাজপথ নামেৰে নামাকৰণ কৰা হয় । প্ৰধানমন্ত্ৰী নৰেন্দ্ৰ মোদীয়ে তেওঁৰ সাম্প্ৰতিক ভাষণত ব্ৰিটিছ চৰকাৰৰ মানসিকতাৰ ছবি দাঙি ধৰাত জোৰ দিছে । সম্প্ৰতি নৌবাহিনীৰ পতাকাখনকো নতুন ৰূপ দিয়া হৈছে, ইয়াত পূৰ্বে জৰ্জ ক্ৰছৰ চিহ্ন অংকিত আছিল ।

টিএমচি সাংসদগৰাকীয়ে টুইটত লিখিছে, “মোৰ বিশ্বাস যে তেওঁ ৰাজপথৰ নাম পৰিৱৰ্তন কৰি কৰ্তব্য পথ কৰিছে । ম‌ই আশাবাদী মে তেওঁ নতুন পিএম ভৱনৰ নাম পৰিৱৰ্তন কৰি কিংকৰ্তব্যবিমূঢ় ৰাখিব ।”