NAMRUP EX ,JOURNALIST নামৰূপৰ প্ৰাক্তন সাংবাদিক অবিনাশ ৰাজখোৱাৰ আজি পুৱা অসম চিকিৎসা মহাবিদ্যালয়ত মৃত্যু হয় । দৈনিক জনসাধাৰণ কাকতৰ নামৰূপৰ সাংবাদিকৰূপে কাৰ্যনিৰ্বাহক কৰা সদ্য প্ৰয়াত ৰাজখোৱা বিগত এটা দশক যকৃত ৰোগত আক্ৰান্ত হৈ আছিল ৷
নামৰূপৰ সমাজ জীৱনৰ সতে সংপৃক্ত হৈ প্ৰয়াত ৰাজখোৱাই বিভিন্ন সময়ত নামৰূপ সামাজিক, বৌদ্ধিক, আৰ্থসামাজিক দিশত বলিষ্ঠ ভূমিকা পালন কৰিছিল । ৰাজখোৱা নামৰূপ সাংবাদিক মঞ্চৰো এজন অন্যতম সদস্য আছিল ৷
মৃত্যুৰ পূৰ্বে ৰাজখোৱাই নিজৰ দেহ আৰু নেত্ৰ দান কৰি মানৱতাৰ এক গভীৰ নিদৰ্শন দেখাই দি থৈ গৈছে । ৰাজখোৱাৰ মৃত্যুত নাহৰকটীয়া প্ৰেছ গ্ৰীল্ড, নামৰূপ সাহিত্য সভা, নামৰূপস্থ বিভিন্ন দল সংগঠন, সমাজ সেৱক ৰঞ্জিত বৰুৱা প্ৰমুখ্যে বিভিন্নজনে শোক প্ৰকাশ কৰে ।