ইউক্রেইনৰ পৰা উভতা ভাৰতীয় মেডিকেল শিক্ষাৰ্থীসকলৰ বাবে নতুন ঘোষণা ৰাষ্ট্ৰীয় মেডিকেল কমিছনৰ (এনএমচি) । মঙলবাৰে এনএমচি-য়ে এটা বিজ্ঞপ্তি জাৰি কৰিছে । অৰ্থাৎ, শিক্ষা সমাপ্ত নকৰাকৈয়ে ইউক্রেইনৰ পৰা দেশলৈ উভতা শিক্ষাৰ্থীসকলে পঢ়া সমাপ্ত কৰিব পাৰিব । কিন্তু ভাৰতৰ কোনো শিক্ষা প্রতিষ্ঠানত নহয়, কৰিব লাগিব ইউক্রেইন নির্দেশিত দেশৰ শিক্ষাপ্রতিষ্ঠানত অর্থাৎ, বিদেশত ।
ফেব্রুৱাৰীৰ মাজভাগত বিশেষ সামৰিক অভিযানৰ নামত ইউক্রেইনৰ স’তে যুদ্ধ ঘোষণা কৰে ৰাছিয়াই । সেই যুদ্ধৰ অন্ত পৰা নাই । এনে পৰিস্থিতিত সৰ্বাধিক সমস্যাত পৰিছে ইউক্রেইনত চিকিৎসা বিজ্ঞান পঢ়িবলৈ যোৱা ভাৰতীয় যুৱক-যুৱতীসকল । কাৰণ, যুদ্ধ আৰম্ভ হোৱাৰ পাছতেই তেওঁলোক দেশত উভতি আহিবলগীয়া হয় । ভাৰততো অসম্পূর্ণ শিক্ষা সমাপ্ত কৰাৰ সুযোগ দিয়া নহয় । কিন্তু সম্প্ৰতি স্বস্তিৰ খবৰ দিলে এনএমচি-য়ে ।
মঙলবাৰৰ বিজ্ঞপ্তিতত জনোৱা হৈছে, ইউক্রেইনে যি ‘একাডেমিক ম’বিলিটি প্র’গ্রাম’-ৰ ঘোষণা কৰিছে, তাত সন্মত হৈছে এনএমচি । অর্থাৎ, যুদ্ধবিধ্বস্ত ইউক্রেইনৰ বিভিন্ন শিক্ষাপ্রতিষ্ঠানত পাঠ্যৰত ভাৰতীয় শিক্ষার্থীসকলক অন্যান্য দেশৰ বিশ্ববিদ্যালয়ত স্থানান্তৰিত কৰাৰ অনুমতি দিব এনএমচি-য়ে । বিদেশৰ বিশ্ববিদ্যালয়তেই অসমাপ্ত শিক্ষ সমাপ্ত কৰাৰ সুযোগ পাব ভাৰতীয় শিক্ষাৰ্থীসকলে ।
ইউক্রেইন ‘একাডেমিক ম’বিলিটি প্র’গ্রাম’-ৰ মাধ্যমত, ভাৰতীয় শিক্ষাৰ্থীসকলে বিদেশৰ কোনো শিক্ষাপ্রতিষ্ঠানত পাঠ্যক্ৰম সমাপ্ত কৰিব । কিন্তু ডিগ্রী দিব ইউক্রেইনত যি বিশ্ববিদ্যালয়ত তেওঁলোক ভর্তি হৈছিল, সেই বিশ্ববিদ্যালয়তেই ।