বিগত তিনি দিন ধথি দেশজুৰি কৰ’নাত দৈনিক আক্রান্তৰ সংখ্যা পাঁচ হেজাৰৰ ঘৰত থাকিলেও যোৱা ২৪ ঘণ্টাত কমি চাৰি হেজাৰ হৈছে । কেন্দ্রীয় স্বাস্থ্য মন্ত্রণালয়ে দিয়া ক’ভিড বুলেটিন অনুযায়ী, বিগত ২৪ ঘণ্টাত কৰ’নাত দৈনিক সংক্রমিতৰ সংখ্যা ৪,৩৬৯ । সোমবাৰে এই সংখ্যা আছিল ৫,২২১ ।
ৰাজ্যভিত্তিক দৈনিক ক’ভিড সংক্রমণৰ শীর্ষত আছে কেৰালা । যোৱা ২৪ ঘণ্টাত কেৰালাত দৈনিক আক্রান্তৰ সংখ্যা ১,৭৬৬ । দৈনিক সংক্রমণৰ তালিকাত ইয়াৰ পাছতে আছে তামিলনাডু (৪২৬), মহাৰাষ্ট্র (৪১৪), কর্নাটক (৩১৭), ওড়িছা (১৯৪) আৰু ছত্তীছগঢ় (১২১) ।
কেন্দ্রীয় স্বাস্থ্য মন্ত্রণালয়ৰ ক’ভিড বুলেটিন অনুযায়ী, যোৱা ২৪ ঘণ্টাত ক’ভিডত আক্রান্ত হৈ ১৩ জনৰ মৃত্যু হৈছে । কর্নাটকত পাঁচজন, গুজৰাটত তিনিজন লোকে ক’ভিডে আক্রান্ত হৈ প্ৰাণ হেৰুৱাইছে ।
তদুপৰি মহাৰাষ্ট্র, পশ্চিমবংগ, দিল্লী, হিমাচল প্রদেশ আৰু ছিকিমত এজনকৈ লোকৰ মৃত্যু হৈছে । কেৰালাত কৰ’নাত আক্রান্ত হৈ সাতজন লোকৰ মৃত্যু আগতেই হৈছিল যিটো তালিকাত পাছত নথিভুক্ত কৰা হৈছে ।
সোমবাৰে এই সংখ্যা আছিল ১১ । দেশত এই পর্যন্ত পাঁচ লাখ ৩০ হেজাৰ ৬৮১ জন লোকে ক’ভিডত আক্রান্ত হৈ প্ৰাণ হেৰুৱাইছে ।
পৰিসংখ্যা অনুযায়ী, বিগত ২৪ ঘণ্টাত দেশৰ দৈনিক সংক্রমণৰ হাৰ কমি হ’ল ১.২৫ শতাংশ । সোমবাৰে দৈনিক সংক্রমণৰ হাৰ আছিল ২.৮২ শতাংশ ।
কেন্দ্রীয় স্বাস্থ্য মন্ত্রণালয়ৰ পৰিসংখ্যা অনুযায়ী, যোৱা ২৪ ঘণ্টাত ক’ভিড আক্ৰান্ত হৈ ৫,১৭৮ জন লোক সুস্থ হৈছে । দেশজুৰি সুস্থ হৈছে চাৰি কোটি ৩৯ লাখ ৩০ হেজাৰ ৪১৭ জন । বর্তমান সুস্থতাৰ হাৰ ৯৮.৭১ শতাংশ ।