ED : প্ৰৱৰ্তন সঞ্চালকালয়ে চমুকৈ ইডি-এ এটা বুলিয়ন কোম্পানীৰ ব্যক্তিগত লকাৰৰ তালাচীৰ পিছত বেংক ঋণ জালিয়াতিৰ গোচৰৰ সৈতে সম্পৰ্কিত এক মানি লণ্ডাৰিং তথ্য পোহৰলৈ আনে ৷ ইডি-এ কোম্পানীটোৰ লকাৰৰ পৰা ৪৭ কোটি মুল্যৰ ৪৩১কিলোগ্ৰাম সোণ আৰু ৰূপ জব্দ কৰিবলৈ সক্ষম হয় ৷
ইডিয়ে এটা বিবৃতিৰ জৰিয়তে জনাই যে পাৰেখ এলুমিনেক্স লিমিটেড নামৰ এটা কোম্পানীৰ বিৰুদ্ধে গোচৰটোৰ সন্দৰ্ভত ৰক্ষা বুলিয়ন আৰু ক্লাছিক মাৰ্বলৰ চৌহদত তালাচী চলোৱা হৈছিল। অভিযানৰ সময়ত বুলিয়ন কোম্পানীৰ কাৰ্যালয়বোৰে কেইবাটাও গোপন স্থানত লুকুৱাই ৰখা ব্যক্তিগত লকাৰৰ চাবি জব্দ কৰে ইডিয়ে ৷
আনহাতে ইডিয়ে “ব্যক্তিগত লকাৰবিলাক বিচাৰি উলিওৱাৰ পিছত নিশ্চিত হয় যে লকাৰ ৰখাৰ ক্ষেত্ৰত সঠিক নিয়ম অনুসৰণ নকৰাকৈ কৰা হৈছিল। কোনো কেৱাইচি অনুসৰণ কৰা হোৱা নাছিল ৷একেদৰে কোনো চিচিটিভি কেমেৰা স্থাপন কৰা হোৱা নাছিল আৰু কোনো ভিতৰ আৰু বাহিৰৰ পঞ্জীয়ন নাছিল। আনহাতে কোম্পানীৰ চৌহদত ৭৬১ টা লকাৰ আছিল যাৰ তিনিটা ৰক্ষা বুলিয়নৰ আছিল বুলি জানিব দিয়ে কেন্দ্ৰীয় অনুসন্ধানকাৰী সংস্থাটোৱে ৷
ইডিয়ে কয়, “লকাৰবোৰ পৰীক্ষা কৰাৰ পিছত, জব্দ কৰা দুটা লকাৰত ৯১.৫ কিলোগ্ৰাম সোণ আৰু ১৫২ কিলোগ্ৰাম ৰূপ পোৱাৰ বিপৰীতে ৰক্ষা বুলিয়নৰ চৌহদৰ পৰা অতিৰিক্ত ১৮৮ কিলোগ্ৰাম ৰূপজব্দ কৰা হৈছে।” জব্দ কৰা সোণ আৰু ৰূপৰ মুল্য মুঠ ৪৭.৭৬ কোটি টকা।
