ডিব্ৰুগড়ৰ মৰাণত কালি নিশা এখন ব্যক্তিগত বাহনৰ পৰা উদ্ধাৰ হৈছে ১৮ টা চোৰাং ছাগলী । মৰাণ আৰক্ষীৰ নিয়মীয়া তালাচীৰ সময়ত পলাবলৈ চেষ্টা কৰা এখন চেন্ট্ৰ’ বাহনৰ পৰা উদ্ধাৰ কৰে এই ১৮ টা ছাগলী ।
জানিব পৰা মতে, যোৰহাটৰ পৰা ডিব্ৰুগড়লৈ গৈ থকা এএচ০৪ ই ২০০৭ ,নম্বৰৰ এখন চেন্ট্ৰ’ বাহনত অবৈধভাৱে সৰবৰাহ কৰা হৈছিল ১৮ টাকৈ ছাগলী । মৰাণত আৰক্ষীৰ তালাচী সময়ত পলাবলৈ চেষ্টা কৰা কৰোতে আৰক্ষীয়ে খেদি খেদি আটক কৰে বাহনসহ তিনিটাকৈ ছাগলী চোৰ ।
উল্লেখযোগ্য যে, দীৰ্ঘদিনৰ পৰা মৰাণৰ দাঁতিকাষৰীয়া অঞ্চলসমূহত ছাগলী চোৰে সন্ত্ৰাসৰ সৃষ্টি কৰি আহিছে । তেনেসময়ত আৰক্ষীৰ এই সাফল্যত মৰাণবাসীয়ে সন্তুষ্টি প্ৰকাশ কৰিছে । সম্প্ৰতি আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে ।