SUN COLOR : সূৰ্যৰ প্ৰকৃত ৰং কি ? এই ৰহস্য উদঘাটন কৰিছে মহাকাশ গৱেষনা সংস্থা নাছাৰ মহাকাশচাৰী স্কট কেলিয়ে । সচৰাচৰ এজন চিত্ৰকৰে সূৰ্যৰ ছবি অংকন কৰা সময়ত কেতিয়াবা ৰঙা ,কেতিয়াবা কমলা আকৌ কেতিয়াবা সোণালী ৰং ব্যৱহাৰ কৰা দেখা যায় । বিপৰীতে বিজ্ঞানীসকলে ইয়াৰ এটাও ৰং সূৰ্যৰ আচল ৰং নহয় বুলি দাবী কৰিছে । সূৰ্যৰ প্ৰকৃত ৰঙৰ সন্দৰ্ভত নাছাৰ মহাকাশচাৰী স্কট কেলিয়ে কৈছে যে , সূৰ্যৰ প্ৰকৃত ৰং ধকধকীয়া বগা ।
‘লেটেষ্ট ইন স্পেছ ‘ নামৰ এটা টুইটাৰ একাউণ্টত এই সন্দৰ্ভত স্কট কেলিয়ে টুইট কৰি সূৰ্যৰ প্ৰকৃত ৰং শুভ্ৰ বগা বুলি উল্লেখ কৰাৰ লগতে মহাকাশৰ পৰা সূৰ্যৰ যি ৰূপ দেখা যায় , তাত সূৰ্যৰ কোনো ৰং দেখা পোৱা নাযায় বুলি দাবী কৰিছে ।
