ধুবুৰীৰ নাও দুৰ্ঘটনাই সন্ধানহীন হৈ থকা ৰাজহ চক্ৰ বিষয়াৰ মৃতদেহ উদ্ধাৰ

২৯ ছেপ্টেম্বৰত ধুবুৰীত হোৱা নাও দুৰ্ঘটনাত কে’বাজন লোকৰ সৈতে সন্ধানহীন হৈ থকা চক্ৰ বিষয়া সঞ্জু দাসৰ মৃতদেহ উদ্ধাৰ ।

ঘটনা সংঘটিত হোৱা দিন ধৰি এচ ডি আৰ এফ বাহিনীয়ে উদ্ধাৰ অভিযান চলাই আছিল যদিও আজি চতুৰ্থ দিনা বিষয়া গৰাকীৰ মৃতদেহ উদ্ধাৰ কৰিবলৈ সক্ষম হয় ।

জানিব পৰা মতে, ঘটনাস্থলীৰ পৰা এক কিলো মিটাৰ আঁতৰত উদ্ধাৰ হৈছে বিষয়া গৰাকীৰ মৃতদেহ ।

ইফালে এই নাও দুৰ্ঘটনাৰ পিছতেই ধুবুৰী জিলাৰ উপায়ুক্তই কেতবোৰ নীতি-নিৰ্দেশনা জাৰি কৰিছে ।

নিৰ্দেশনা অনুসৰি, নাও বা ফেৰীত অধিক যাত্ৰী উঠোৱাত নিষেধাজ্ঞা জাৰি কৰাৰ লগতে লাইফ জেকেট, অগ্নি নিৰ্ব্বাপক যন্ত্ৰ,ফাৰ্ষ্ট এইড বক্স আদি থাকিব লাগিব ।