বিয়া ঘৰৰ বাছ খালত পৰি দুৰ্ঘটনা উত্তৰাখণ্ডত (Uttarakhnd News) । দুর্ঘটনাত প্ৰায় ৩২ জনৰ মৃত্যু হৈছে (Accident Deaths) । গুৰুতৰভাৱে আহত হৈছে ২০ জন । ৰাজ্য আৰু ৰাষ্ট্ৰীয় দুৰ্যোগ প্ৰশমন বিভাগে (SDRF) (NDRF) উদ্ধাৰকার্য চলাইছে । আহতসকলক স্থানীয় হাস্পাতালত ভর্তি কৰা হৈছে । এই ঘটনাত শোকপ্রকাশ কৰিছে প্রতিৰক্ষামন্ত্রী ৰাজনাথ সিঙে (Rajnath Singh) ।
উত্তৰাখণ্ডৰ কোতদ্বাৰ জিলাৰ ধুমকোট থানাৰ অন্তর্গত ছিমড়ি গাঁৱত এই ভয়াৱহ দুর্ঘটনা সংঘটিত হৈছে । মঙলবাৰে গভীৰ নিশা যাত্রীভৰ্তি বাছখনে নিয়ন্ত্রণ হেৰুৱাই খালত পৰি যায় । আৰক্ষীয়ে জনাইছে, হৰিদ্বাৰৰ লাধঙৰ পৰা পাউৰিৰ বীৰখাল অভিমুখে গৈ আছিল বাছখন । সেই সময়তেই দুৰ্ঘটনা সংঘটিত হয় ।
At least 25 people were #killed and 20 others injured after #bus carrying around 45-50 members of #marriage party falls into gorge in #Uttarakhand's #PauriGarhwal district: Police#Accident pic.twitter.com/CGihG4m1RB
— Himanshu Purohit (@Himansh256370) October 5, 2022
আৰক্ষীয়ে জনাইছে, বিয়াৰ বাবে বুক কৰা হৈছিল বাছখন । দুর্ঘটনাৰ খবৰ পায়েই ঘটনাস্থলত উপস্থিত হয় আৰক্ষী । দুৰ্যোগ প্ৰশমন বাহিনীকো খবৰ দিযা হয় । স্থানীয়সকলেও তেওঁলোকক উদ্ধাৰকার্যত সহায় কৰে । ইয়াৰ পাছতে ৰাষ্ট্ৰীয় দুৰ্যোগ প্ৰশমন বাহিনীও ঘটনাস্থলীত উপস্থিত হয় ।
দুর্ঘটনাৰ খবৰ পাই কালি নিশাই ৰাজ্যিক দুৰ্যোগ প্ৰশমন বিভাগত উপস্থিত হয় উত্তৰাখণ্ডৰ মুখ্যমন্ত্রী পুষ্কৰ সিং ধামি । তেওঁ মৃতসকলৰ পৰিয়ালবৰ্গক সমবেদনা জনায় । দুর্ঘটনাত শোক প্রকাশ কৰিছে প্ৰতিৰক্ষা মন্ত্ৰী সিঙেও ।
তেওঁ টুইটাৰত লিখে, ‘উত্তৰাখণ্ডৰ পাউৰি জিলাত বাছ দুর্ঘটনা অত্যন্ত হৃদয় বিদাৰক ঘটনা । মৃতসকলৰ পৰিয়ালবৰ্গলৈ সমবেদনা জনাইছো । ঈশ্বৰে তেওঁলোকক শক্তিশালী হোৱাৰ ক্ষমতা দিয়ক । যিসকল লোক দুর্ঘটনাত আহত হৈছে, তেওঁলোকৰ দ্রুত আৰোগ্য কামনা কৰিলো’ ।
उत्तराखंड के पौड़ी जिले में हुई बस दुर्घटना मन को व्यथित करने वाली है। इस घटना में जिन लोगों ने अपनों को खोया है उनके प्रति मैं अपनी संवेदना व्यक्त करता हूँ। ईश्वर उन्हें यह भारी दुःख सहने की शक्ति दें। जो इस दुर्घटना में घायल हैं, मैं उनके स्वस्थ होने की कामना करता हूँ।
— Rajnath Singh (मोदी का परिवार) (@rajnathsingh) October 5, 2022
দুর্ঘটনাত শোক প্রকাশ মন্ত্ৰী ৰাজনাথ সিঙৰ
উত্তৰাখণ্ড আৰক্ষী প্রধান অশোক কুমাৰে জনাইছে, বিয়াঘৰৰ লোক গৈছিল । নিয়ন্ত্রণ হেৰুৱাই খালত পৰি যায় বাছখন । নিশাই আৰম্ভ হয় উদ্ধাৰকার্য । ২১ জনক নিশাই উদ্ধাৰ কৰা হয় । আহতসকলক স্থানীয় হাস্পাতালত ভর্তি কৰা হৈছে ।