DELHI SOCIAL WELFARE MINISTER RESIGN : শুকুৰবাৰে দিল্লীত ধৰ্মান্তৰকৰণ অনুষ্ঠানত উপস্থিত থকাক লৈ বিজেপিৰ তীব্ৰ প্ৰতিবাদৰ পিছতে দিল্লীৰ সমাজ কল্যাণ মন্ত্ৰী ৰাজেন্দ্ৰ পাল গৌতমে আজি পদত্যাগ কৰে DEL।
পদত্যাগ কৰাৰ পিছত গৌতমে টুইট কৰি কয় , “আজি মহৰ্ষি বাল্মীকি প্ৰকাশ দিৱস আৰু আনফালে কাংশী ৰাম চাহেবৰ মৃত্যু দিৱসো । মই পুনৰ জন্ম লৈছো।এতিয়া মই কোনো বাধা নোহোৱাকৈ সমাজৰ অধিকাৰ ৰক্ষা আৰু অত্যাচাৰৰ বিৰুদ্ধে অধিক দৃঢ়তাৰে যুঁজ দিম।”
ধৰ্মীয় ধৰ্মান্তৰকৰণ অনুষ্ঠানত তেওঁৰ উপস্থিতিয়ে গুজৰাটত শাসনাধিষ্ঠিত বিজেপিৰ মূল প্ৰত্যাহ্বানকাৰী বুলি দাবী কৰা আম আদমী পাৰ্টী (আপ)ক আক্ৰমণ কৰাৰ বাবে বিজেপিক এক ইছ্যু দিলে ।
এটা ভিডিঅ’ত আপ মন্ত্ৰীগৰাকীয়ে ধৰ্মান্তৰকৰণ অনুষ্ঠানত অংশগ্ৰহণ কৰা দেখা গৈছিল । ইয়াত হিন্দু দেৱতাসকলক নিন্দা কৰা বুলি অভিযোগ উঠিছিল । এই অনুষ্ঠানত শতাধিক লোকে বৌদ্ধ ধৰ্ম গ্ৰহণ কৰাৰ লগতে হিন্দু দেৱতাসকলক দেৱতা হিচাপে গণ্য নকৰাৰ প্ৰতিজ্ঞা গ্ৰহণ কৰে।
