VOLLEYBALL TRAINING CAMP IN BHERGAON : ১৪ নৱেম্বৰৰ পৰা ১৯ নৱেম্বৰত জন্মু কাশ্মীৰত অনুষ্ঠিত হ’বলগীয়া ৪৮ সংখ্যক জুনিয়ৰ নেশ্যনেল ভলীবল চেম্পিয়নশ্বীপত অংশ গ্ৰহণ কৰাৰ বাবে অসমৰ ল’ৰা-ছোৱালী দল দুটা গঠন কৰিবলৈ অহা ২৮ আৰু ২৯ অক্টোবৰত ভেৰগাওঁ জিলা ক্ৰীড়া সন্থাৰ তত্বাবধানত এক বাছনি শিবিৰৰ আয়োজন কৰা হৈছে ।
সেই সন্দৰ্ভত জিলা ক্ৰীড়া সন্থা সমূহক ০১-০১-২০০৪ চনত জন্ম গ্ৰহণ কৰা ল’ৰাৰ ৩ জন আৰু ছোৱালীৰ ৩ জনকৈ খেলুৱৈক উক্ত বাছনি শিবিৰলৈ প্ৰেৰণ কৰাৰ বাবে আহ্বান জনাইছে অসম ভলীবল সন্থাৰ ভাৰপ্ৰাপ্ত সাধাৰণ সম্পাদক প্ৰকাশ বৰাই। ভেৰগাঁৱত অনুষ্ঠিত হ’বলগীয়া এই বাছনি শিৱিৰত খেলুৱৈসকলৰ পাৰদৰ্শিতাৰ ভিত্তিত জুনিয়ৰ অসম দল দুটা নিৰ্বাচন কৰা হ’ব ।