Guwahati
গুৱাহাটী নেহৰু ষ্টেডিয়ামত আজি পুৱা ভাৰতৰ লৌহ মানৱ চৰ্দাৰ বল্লভভাই পেটেলৰ জয়ন্তী ‘ৰাষ্ট্ৰীয় একতা দিৱস’ৰ লগত সংগতি ৰাখি স্পটছ অথৰিটি অৱ ইণ্ডিয়াই একতাৰ দৌৰ আয়োজন কৰে ৷ একতা দৌৰ কাৰ্যসূচীৰ ফ্লেগ অফ কৰে মুখ্যমন্ত্ৰী ড:হিমন্ত বিশ্ব শৰ্মা আৰু কেন্দ্ৰীয় বন্দৰ, জাহাজ আৰু জলপথ বিভাগৰ মন্ত্ৰী সৰ্বানন্দ সোণোৱালে ।
একতা দিৱসৰ দৌৰৰ শুভাৰম্ভ কৰি দিয়া ভাষণত মুখ্যমন্ত্ৰী শৰ্মাই ভাৰতৰ একতা আৰু স্বতন্ত্ৰতাৰ ভেটি সুদৃঢ় কৰা এই মহান সত্তাগৰাকীলৈ সশ্ৰদ্ধ প্ৰণিপাত যাচি কয়, আমাৰ যুৱক-যুৱতীসকলক চৰ্দাৰ বল্লভভাই পেটেলৰ আদৰ্শৰে অনুপ্ৰাণিত হৈ দেশৰ অখণ্ডতাৰ ভেটি অধিক সুদৃঢ়কৰণত অৰিহণা যোগাবৰ বাবে নিজকে আত্মনিয়োগ কৰিবলৈ আহ্বান জনায়৷ লগতে মুখ্যমন্ত্ৰী জনে একতাৰ দৌৰৰ আয়োজক আৰু সকলো অংশগ্ৰহণকাৰীক আন্তৰিক ধন্যবাদ জ্ঞাপন কৰে ৷
একতা দৌৰৰ কাৰ্যসূচীত হস্ততাঁত বস্ত্ৰ বিভাগৰ মন্ত্ৰী ইউ জি ব্ৰহ্ম, ৰাজ্যসভাৰ সদস্য ভুৱনেশ্বৰ কলিতা, গুৱাহাটী পৌৰ নিগমৰ মেয়ৰ মৃগেন শৰণীয়া উপস্থিত থাকে ।
